Guðný María Arnþórsdóttir, sem er hvað best þekkt sem Páskastjarnan, hefur gefið út nýtt lag en það ber nafnið „Mömmudrengur“. Í myndbandi við lagið sem birtist nýlega á YouTube má sjá Guðný syngja lagið um þennan svokallaða mömmudreng sem um ræðir.
DV sló á þráðinn hjá Guðnýju og ræddi við hana um þetta nýja lag. Þar sagði hún til dæmis hvers vegna hún samdi lagið. „Mér hefur oft þótt mannréttindabarátta okkar stelpnanna vera föst sem „bleikur fíll“ í stöðuveitingum auðvaldskvenna. Á meðan að lítið breytist í uppeldi kynjanna og kröfur samfélagsins meira en óréttlatar til okkar stelpnanna, já, árið 2021,“ segir hún.
„Allir eru sérstakir svo að ástæðan er ekki sú að við óskum svo eftir þvi að vera réttlitlir þrælar. Því langaði mig að semja svona lag, því þetta er líka rangt gagnvart drengjum. Það er gott að geta brosað að þessu á okkar allra til betra og réttlátara samfélags“
Hér fyrir neðan má sjá myndbandið við nýja lagið:
