fbpx
Sunnudagur 20.september 2020
Fókus

Laglegt listamannaheimili á Vesturgötu til sölu – fullkomnar partýsvalir

Tobba Marinósdóttir
Mánudaginn 22. júní 2020 22:15

Ekki missa af Helstu tíðindum dagsins í pósthólfið þitt

Lesa nánar

Við Vesturgötu 46a stendur mjög fallegt og reisulegt hús sem skartar listrænum og skemmtilegum íbúum. Á efstu hæðinni og í risinu eru gullfallegar og nýlega uppgerðar íbúðir sem nú eru til sölu, samtals 154 fm, að ógleymdum 36 fm þaksvölum sem eru sannkallaður draumur.

Íbúðirnar eru að vonum smekklegar enda eru eigendurnir annálað smekkfólk, listmálarinn Úlfar Örn Valdemarsson og eiginkona hans Anna Svava Sverrisdóttir, en hún starfaði lengi vel í auglýsingabransanum. Hjónin búa í stærri íbúðinni en sú minni hentar vel til útleigu.

Úlfar er einna þekktastur fyrir einstök málverk sín og teikningar af kvenlíkömum og hestum en hann nálgast viðfangsefni sín frá framandi sjónarhorni. Úlfar Örn þykir hafa einstaka teiknihæfileika og virðist skipta minna máli hvort hann tekur upp blýant, penna eða pensil. Í íbúðinni má sjá mörg verka Úlfars og er íbúðin öll í raun verk þeirra hjóna þar sem hún er töluvert endurnýjuð.

Eignin hefur lengi þótt mjög sjarmerandi en hún er þar að auki á einum besta stað í bænum. Síðast þegar þessi eign var til sölu sáust flestar listaspírur landsins skoða hana, þar á meðal Sólveig Káradóttir, fyrirsæta og sálfræðingur, dóttir Kára Stef og fyrrum eiginkona Bítlasonarins Dhani Harrison.

Á hæðinni fyrir neðan býr fyrrum forseti borgarstjórnar, Elsa Yeoman, en hún ku vera einn besti pizzabakari landsins svo nokkuð ljóst þykir að góð lykt fylgir með íbúðinni.

Verk Úlfars má sjá víða í íbúðinni.
Fallegur sófi sem tónar fullkomlega við verkið eftir húsbóndann sem hangir fyrir ofan. Sko listaverkið.
Falleg smáatriði eins og veggfóður í búrskápnum gleðja augað.

Risíbúðin er ekki minna sjarmerandi. Takið eftir hlaðna veggnum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fókus
Fyrir 2 dögum

Sjáðu hvað Kylie Jenner geymir í handtöskunni sinni

Sjáðu hvað Kylie Jenner geymir í handtöskunni sinni
Fókus
Fyrir 3 dögum

Sagði upp á KFC og þénar nú um tvær milljón krónur á mánuði – Vinnur einn tíma á dag

Sagði upp á KFC og þénar nú um tvær milljón krónur á mánuði – Vinnur einn tíma á dag
Fókus
Fyrir 5 dögum

Sjáðu myndbandið: Sigga Dögg fór í brasilískt vax í beinni

Sjáðu myndbandið: Sigga Dögg fór í brasilískt vax í beinni
Fókus
Fyrir 5 dögum

Nú má Netflix vara sig – Disney plús komið til Íslands

Nú má Netflix vara sig – Disney plús komið til Íslands