Billie Ward hélt hún þyrfti að fara alveg svakalega á klósettið og hafði ekki hugmynd um að hún væri að fara að fæða. Hún var vægast sagt hissa þegar hún áttaði sig á að hún væri ekki að kúka, heldur fæða barn. Fabulous Digital greinir frá.

Eftir að hafa verið á klósettinu í um klukkutíma, kvalin af verkjum, ákvað hún að hringja í neyðarlínuna. Hún lýsti verkjunum og sagði starfsmaður neyðarlínunnar að hún væri örugglega að fæða. Billie vissi að hún væri ólétt en það var rúmlega mánuður í settan dag.

Stuttu eftir að bráðaliðar mættu fæddi Billie stúlkubarn. Móðir hennar og eiginmaður voru bæði viðstödd.

Billie deilir mynd þar sem má sjá hana inni á klósetti, nýbúna að fæða. Hún deilir sögu sinni í von um að hvetja óléttar konur til að leita sér læknishjálpar fyrr heldur en seinna, nema þær vilji fæða heima.

„Mamma tók svo margar myndir. Það eru nokkrar þar sem ég er að hugsa: Guð minn góður, hvað er í gangi? Þetta er ekki kúkur, þetta er barn,“ segir Billie og bætir við að þau hafi farið í gegnum lygilegan fjölda handklæða við fæðinguna.

Upplifunin reyndist mjög jákvæð fyrir Billie og ætlar hún að fæða næsta barn heima einnig.

Stúlkan fæddist heilbrigð og verður eins árs í næsta mánuði. Þú getur lesið nánar um fæðinguna og ferlið í viðtali Fabulous Digital.