Titillag nýjustu James Bond-myndarinnar No Time To Die var gefið út í gær og það er Bandaríska söngkonan Billie Eilish sem sér um flutninginn. Eilish er yngsti tónlistarmaðurinn sem hefur hlotið það verkefni að semja Bond-lag en hún kom fyrst fram á sjónarsviðið árið 2016, aðeins sautján ára gömul

Í tilkynningu sem Eilish sendi frá sér í gær í tilefni útkomu lagsins No Time To Die segist hún enn vera í geðshræringu fyrir að hafa verið treyst fyrir því að semja James Bond-lag, að gífurlegur heiður sé innifalinn í því verkefni.

Kvikmyndin No Time to Die verður frumsýnd á Íslandi þann 8. apríl og gerist saga myndarinnar eftir að njósnari hennar hátignar hefur lagt byssuna á hilluna. Allt það breytist þó ört þegar gamall vinur hans, Felix Leiter frá Bandarísku leyniþjónustunni CIA, kemur til hans og biður um aðstoð.

Titillag myndarinnar má finna að neðan.