Aflraunamaðurinn Hafþór Júlíus Björnsson, eða Fjallið eins og hann er kallaður í daglegu tali, er ekki á flæðiskeri staddur ef marka má útreikninga DV. Fjallið er með rúmar sex milljónir í mánuði en hann hefur ekki aðeins haldið sig í kapphlaupinu að titlinum Sterkasti maður heims heldur einnig gert gott mót í leiklistinni. Þessar sex milljónir koma Hafþóri á toppinn á lista yfir hæstlaunuðu íþróttamenn landsins. Næst á eftir honum á listanum er Crossfit-stjarnan Katrín Tanja Davíðsdóttir með tæpa fjóra og hálfa milljón í mánaðarlaun.

Eins og flestir vita hefur hann leikið Fjallið í Game of Thrones og einnig leikið í fjölmörgum auglýsingum og tónlistarmyndböndum á erlendri grundu. Þá rekur hann einnig líkamsræktarstöðina Thor‘s Power Gym sem var opnuð í nýjum húsakynnum í Kópavogi fyrir stuttu.

https://www.instagram.com/p/BzRN-YvgNfy/

Árið í fyrra var viðburðaríkt hjá Fjallinu og bar þar einna hæst að hann kvæntist sinni heittelskuðu, Kelsey Henson. Þá fór hann einnig í nokkurra milljón króna hárígræðslu. Fyrr á þessu ári játaði Hafþór síðan í viðtali við ESPN að hann hefði notað stera. Hann sagði ekki hve lengi hann notaði þá né hvort hann væri að nota þá á þeim tíma sem viðtalið var tekið og kom umræðan greinilega illa við aflraunamanninn.

„Getting an email like that out of nowhere from Game of Thrones? … This has gotta be bulls—.“ @ThorBjornsson_ tells @e60 the unlikely story of how he became „The Mountain.“ pic.twitter.com/iNqovXJ28I

— ESPN (@espn) April 11, 2019

Árið 2017 steig barnsmóðir Hafþórs, Thelma Björk Steimann, fram og sakaði hann um að hafa beitt sig ofbeldi. Hafþór hefur staðfastlega neitað sök. Thelma hélt því fram að fleiri konur hefðu verið beittar ofbeldi af Hafþóri og hann neitaði því einnig.

Laun: 6.239.863 kr.