Ellý Ármanns flúraði sig sjálf: „Nei, sko“ – Sjáðu myndbandið
Lilja Katrín Gunnarsdóttir Fimmtudaginn 21. febrúar 2019 12:00
Ellý er hæfileikarík.
Fjöllistakonan og flotþerapistinn Ellý Ármannsdóttir er byrjuð að læra listina að húðflúra, en Ellý hefur vakið mikla athygli fyrir málverk sín síðustu misseri.
Ellý ákvað að hefja ferilinn í flúri með því að húðflúra sig sjálf og birtir mynd og myndband af því á Instagram.
„Nýr kafli hafinn. Nýtt listform. Ég er byrjuð … þetta er það skemmtilegasta,“ skrifar Ellý við mynd af flúrinu, sem er ansi vel heppnað.
A post shared by Elly Armanns (@ellyarmannsdottir) on
„Tilfinning sem er oft á tíðum erfitt að skilgreina. Ást sem mun endast að eilífu. Sönn, eilíf ást er öflugasta orkan segja margir og þar er ég sammála. Enginn máttur er sterkari. Táknar óbrjótandi tengsl milli tveggja sálufélaga sem eru ætlaðir hvor öðrum. Þessi tilfinning hverfur hvorki né deyr. Öflugasti mátturinn til að vera til staðar, endalaus, neverending, eilíf ást.“
A post shared by Elly Armanns (@ellyarmannsdottir) on
Ellý hefur verið dugleg að flúra sig síðasta árið eða svo, en ástin á húðflúrum kviknaði þegar hún lét flúra yfir nafn fyrrverandi kærasta. Síðan þá hefur Ellý bætt vel í flúrsafnið og er nú þakin mandölum og vængjum sem hafa orðið til í stólnum á húðflúrstofunni Reykjavík Ink.
Þessi vefsíða notar fótspor (e. cookies) til að auðvelda þér að vafra um vefinn, geyma upplýsingar um stillingar o.fl. Með því að nota vefinn samþykkir þú stefnu okkar um notkun fótspora.
