Gunnar Smári Egilsson, fjölmiðlamaður og einn af stofnendum Sósíalistaflokksins, fagnaði því í gær að þá voru liðin 24 ár síðan hann hætti að drekka áfengi.
„Á föstudagsmorgni fyrir réttum 24 árum fór ég á Vog eftir að hafa gefist upp á drykkju kvöldið áður, rétt um miðnættið. Síðan hef ég hvorki drukkið né dópað. Það er eitthvað. Fyrir 24 árum var ég vonlaus 34 ára gamall maður, bugaður af lífinu. Í dag er ég 58 ára, fullur vonar og baráttuanda. Ég get því sagt eins og Nóbelskáldið; but I was so much older then, I’m younger than that now.“
Hamingjuóskum hefur rignt yfir Gunnar Smára. Sigurjón M. Egilsson, fjölmiðlamaður og bróðir Gunnars Smára, segir til dæmis: „ Gott hjá þér bróðir. Ég man þennan 34 ára. Glataður gæi.“
Gunnar Smári ræddi alkóhólismann í einlægu viðtali í DV vorið 2018. Hér má lesa þann hluta viðtalsins.
