Tónlistarhátíðin Secret Solstice verður haldin í sjöunda sinn í Laugardalnum þann 26.-28. júní á næsta ári. Hátíðin er einn stærsti tónlistarviðburður ársins og laðar að fjölda íslenskra sem og erlendra tónlistargesta. Stór nöfn hafa komið fram á fyrri hátíðum og verður árið í ár enginn eftirbátur samkvæmt tilkynningu hátíðarinnar.
Ber þá helst að nefna tvær áhrifamestu hljómsveitir tíunda áratugsins Cypress Hill, eina og TLC, skosku rokkhljómsveitina Primal Scream og rapparann Lil Pump.
Einnig mun Meduza, Regard og Hot Dub Time Machine koma fram á hátíðinni ásamt ástralska tónlistarmanninum Hayden James.
Þeir íslensku listamenn sem munu spila á hátíðinni eru Elli Grill, Ingi Bauer, Jói Pé og Króli, Krummi, Séra Bjössi, 24/7, Danill, Rokky, Sprite Zero Klan og Tómas Welding.
Þetta er heljarinnar dagskrá sem komin er. Ætli við fáum að heyra þessi vinsælu lög?
Tilkynningar um fleiri listamenn er að vænta, en hvernig lýst lesendum á þau sem komin eru?
