Steinunn Ólína Þorsteinsdóttir, leikkona og fjölmiðlakona, hefur fundið ástina. Hún og rithöfundurinn Bergsveinn Birgisson eru saman samkvæmt öruggum heimildum DV.
Bergsveinn er fæddur árið 1971 og hefur verið búsettur í Noregi um nokkurt skeið. Hann hefur skrifað nokkrar skáldsögur og ljóðabækur. Meðal annars bókina Svar við bréfi Helgu sem var tilnefnd til Bókmenntaverðlauna Norðurlandaráðs.
Steinunn Ólína hefur leikið í ýmsum þáttum og kvikmyndum. Hún lék meðal annars í þáttunum Fangar. Hún var gift leikaranum Stefáni Karli Stefánssyni sem lést 21. ágúst 2018 eftir tveggja ára baráttu við krabbamein. Þau eiga saman fjögur börn.