fbpx
Þriðjudagur 18.júní 2019

DV - Frjáls og óháður miðill

Silfur Egils

Töffarinn Dagfinnur

Fókus

Ritdómur um Heltekin: Fágaður reyfari um ofbeldi gegn konum

Ágúst Borgþór Sverrisson
Þriðjudaginn 12. febrúar 2019 19:00

Ekki missa af Helstu tíðindum dagsins í pósthólfið þitt

Lesa nánar

Flynn Berry: Heltekin

Íslensk þýðing: Hermann Stefánsson

Útgefandi: JPV

303 bls.

Þegar Nora ætlar að heimsækja systur sína í lítið enskt sveitaþorp kemur hún að henni látinni, hún hefur verið myrt með hrottafullum hætti og hundur hennar drepinn. Systirin, Rachel, hafði orðið fyrir tilefnislausri og hrottafullri árás mörgum árum áður og sú spurning er áleitin hvort sá árásarmaður hafi aftur verið á ferðinni. Við rannsókn lögreglu á málinu rennur jafnframt upp fyrir Noru að hún þekkti systur sína ekki jafn vel og hún hélt. Grunur fellur á ýmsa nágranna Rachel í þorpinu – og um tíma á Noru sjálfa.

Spennusagan Heltekin er fyrsta bók Flynn Berry en hún hefur nýlokið námi í ritlist í Texas. Sagan er afar vel stíluð, stundum er höfundur jafnvel of upptekinn af því að fanga hugblæ og stemningu með smáatriðalýsingum. Fléttan er flott og gengur vel upp og spenna töluverð. Íslenski textinn flæðir vel og hnökralaust í meðförum Hermann Stefánssonar. Í gegnum atburði sögunnar má lesa þunga ádeilu á ofbeldi gegn konum í nútímanum en hvergi verður vart við predikun eða pólitískan réttrúnaðaráróður – en þetta blasir við að loknum lestri sögunnar: konur eru hvergi óhultar. Ekki nýtt viðfangsefni í spennusögum nútímans en vel unnið úr því hér.

Heltekin er ekki tiltakanlega eftirminnileg saga en vönduð að stíl og uppbyggingu og prýðilega góð afþreying.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 3 dögum

Stóri dagurinn hjá Ernu Hrönn – Sjáðu myndirnar

Stóri dagurinn hjá Ernu Hrönn – Sjáðu myndirnar
Fókus
Fyrir 3 dögum

Liggur flatur eftir 12 ferðir á Esjuna á innan við sólarhring: „Geng ekki um óstuddur“

Liggur flatur eftir 12 ferðir á Esjuna á innan við sólarhring: „Geng ekki um óstuddur“
Fókus
Fyrir 4 dögum

Fékk demantshring með dularfullum skilaboðum

Fékk demantshring með dularfullum skilaboðum
Fókus
Fyrir 4 dögum

Ritdómur um Dyr opnast: Skrifað inn í áreitið og út úr því

Ritdómur um Dyr opnast: Skrifað inn í áreitið og út úr því
Fókus
Fyrir 5 dögum

Daði Freyr gefur út plötu – „Njótið lífsins og ekki taka hlutum of alvarlega“

Daði Freyr gefur út plötu – „Njótið lífsins og ekki taka hlutum of alvarlega“
Fókus
Fyrir 5 dögum

Secret Solstice: Jonas Blue fyllir skarð ökklabrotins Martin Garrix

Secret Solstice: Jonas Blue fyllir skarð ökklabrotins Martin Garrix