Kim Kardashian reynir reglulega að brjóta internetið, að þessu sinni í kjól sem skilur ósköp lítið eftir fyrir ímyndunaraflið.
Þessi mynd er NSFW (Ekki hentugt á vinnutíma) mynd, við leitum að góðri styttingu upp á það ástkæra ylhýra.
Kim deildi myndinni á Instagram og segist vera í mátun, fyrir hvað kemur ekki fram, en ef hann er ætlaður fyrir einhvern rauða dregilinn, þá er ljóst að höfuð munu snúast þar.
Kjólinn er eftir úkraínska hönnuðinn Yasya Minochkina og er hluti af vorlínunni fyrir árið 2018 og sást fyrst á tískupöllunum í Moskvu í október 2017.
Hönnuðurinn sagði á Instagram að kjóllinn væri tilvalinn fyrir „sérstakar sumar minningar,“ ljóst er að Kim ætlar að fara sínar eigin leiðir, í desember.
Þetta er auðvitað ekki í fyrsta sinn sem Kim og systur hennar sýna næstum allt opinberlega. Stutt er síðan Kylie Jenner klæddist svipað, í heilgalla eftir hönnuðinn Yousef Aljasmi, í anda þess sem söngkonan Britney klæddist í myndbandi Toxic.
Stuttu áður mætti Kendall Jenner á bresku tískuverðlaunin í kjól eftir Julien Macdonald.
