fbpx
Þriðjudagur 16.apríl 2024
Eyjan

Þórdís vill selja afganginn af Íslandsbanka – Ríkið á enn þá 42,5 prósent

Kristinn H. Guðnason
Fimmtudaginn 22. febrúar 2024 20:15

Þórdís telur söluna aðkallandi til að grynnka á skuldum og draga úr áhætturekstri ríkisins. Mynd/Hanna

Ekki missa af Helstu tíðindum dagsins í pósthólfið þitt

Lesa nánar

Þórdís Kolbrún R. Gylfadóttir, fjármála- og efnahagsmálaráðherra, hefur birt frumvarp um ráðstöfun þess hluta Íslandsbanka sem ríkið á enn þá í Samráðsgátt. Vill hún setja bankann í markaðsútboð.

Ríkið á enn þá 42,5 prósent í Íslandsbanka. Farið hafa fram tvö útboð, hið fyrra í júní 2021 þegar 35 prósent voru seld og hið seinna í mars 2022 sem reyndist mjög umdeilt. En þá voru 22,5 prósent seld.

Bjarni og Birna viku

Eftir seinna útboðið sagði Bjarni Benediktsson af sér sem fjármálaráðherra eftir að Umboðsmaður Alþingis ályktaði hann ekki hæfan til að samþykkja tillögu Bankasýslunnar um hlutinn. Faðir hans, Benedikt Sveinsson, var einn af kaupendunum. Bankinn þurfti að greiða 1,2 milljarða í sekt og Birna Einarsdóttir bankastjóri þurfti að láta af störfum.

Þórdís horfir til fyrri sölunnar við söluna á afganginum, þar sem almenningi gafst kostur á að kaupa hlut í bankanum. Ekki kemur fram hversu mörg útboðin eigi að vera á hlut ríkisins. En selja á þegar skilyrði í samfélaginu eru hagfelld.

Bankasýslan hvergi nærri

Samkvæmt frumvarpinu mun Bankasýslan ekki koma að sölunni, en þáttur hennar í síðasta útboði hefur verið harðlega gagnrýndur. Það verði Alþingis að ákveða söluaðferðirnar og fjármála- og efnahagsráðuneytisins að framkvæma hana.

„Markaðssett útboð skal auglýst með tveggja daga fyrirvara hið minnsta með birtingu útboðslýsingar. Ráðherra skal semja við þar til bæran aðila, á grundvelli útboðsferlis, um gerð útboðslýsingar og utanumhald um tilboðsbækur,“ segir í fjórðu grein frumvarpsins.

Grynnka á skuldum

Kemur fram að heimilt verði að greiða fyrir hluti með skuldabréfum ÍL-sjóðs. Er það gert til þess að grynnka á vanda sjóðsins.

Ráðherra telur að með sölunni verði hægt að grynnka á skuldum ríkisins og vaxtabyrði. Einnig að draga úr áhættu í ljósi eignarhalds bæði á hlut í Íslandsbanka og Landsbanka. Telur hún að salan sé aðkallandi aðgerð.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

Sögusagnir sem borgin vísaði á bug eiga sér meiri stoð í raunveruleikanum en af er látið

Sögusagnir sem borgin vísaði á bug eiga sér meiri stoð í raunveruleikanum en af er látið
Eyjan
Fyrir 2 dögum

Orðið á götunni: Fylgið minnkað um helming – 40 þúsund vantreysta Bjarna sem sætir afarkostum VG

Orðið á götunni: Fylgið minnkað um helming – 40 þúsund vantreysta Bjarna sem sætir afarkostum VG
Eyjan
Fyrir 3 dögum

Þykir miður að kaupin á TM hafi orðið umdeild

Þykir miður að kaupin á TM hafi orðið umdeild
Eyjan
Fyrir 3 dögum

Fyrrverandi forstjóri Reita: Hús eru byggð of þétt og of mikill hraði í byggingarframkvæmdum

Fyrrverandi forstjóri Reita: Hús eru byggð of þétt og of mikill hraði í byggingarframkvæmdum
EyjanPennar
Fyrir 5 dögum

Kristrún: „Þjóðin gerir kröfu um árangur“

Kristrún: „Þjóðin gerir kröfu um árangur“
Eyjan
Fyrir 5 dögum

Ásakanir um lýðskrum og óráðsíu gengu á víxl á fundi borgarstjórnar og spurt hvort enginn viti hversu margir milljarðar eru farnir

Ásakanir um lýðskrum og óráðsíu gengu á víxl á fundi borgarstjórnar og spurt hvort enginn viti hversu margir milljarðar eru farnir