Morgunblaðið greindi frá því í dag að Jón muni skipa 5. sætið á framboðslista Sjálfstæðisflokksins í Suðvesturkjördæmi og um leið verður hann sérstakur fulltrúi Bjarna í matvælaráðuneytinu.
Sigurjón gerir þetta að umtalsefni á Miðjunni þar sem hann er ritstjóri.
„Við verðum að gera eitthvað fyrir strákana,“ er nokkuð sem oft er sagt þegar karlar ná ekki ásættanlegum árangri í prófkjörum. Nú er það Jón Gunnarsson. Þrátt fyrir að hafa sýnt Bjarni formanni ótrúlega mikla þolinmæði og tryggð urðu hlutskipti hans fimmta sæti á listanum. Grunur er um að Jón hafi farið í fýlu,” segir hann.
Hann bætir við að enginn hafi vitað hvað Jón myndi gera eftir eftirtektarverðan „árangur“ í prófkjörinu. Þórdís Kolbrún hafi haft betur og Jón rokið af fundi þegar niðurstaðan varð ljós.
„Þar sem stefnuskrár Sjálfstæðisflokksins og Miðflokksins eru nánast samhljóma var ótti í Valhöll að Jón gerði eins og Sigríður Á. Andersen. Að skipta um flokk,“ segir Sigurjón en Jón var mjög sterklega orðaður við framboð fyrir Miðflokkinn.
„Bjarni kann leikinn þann. Hann bætti á sig matvælaráðuneytinu og félagsmálaráðuneytinu við brotthlaup VG-liða. Hann fann leið til að Jón fái eitthvað. Hann hefur verið gerður að sérstökum fulltrúa Bjarna í matvælaráðuneytinu. Svo Jón brosti í gegnum tárin. Kominn með ráðherraskrifstofu rétt einu sinni. Bjarni virðist vera traustur vinur,“ segir Sigurjón að lokum.
