fbpx
Fimmtudagur 02.febrúar 2023
Eyjan

Svíar neita að framselja tvo Tyrki til Tyrklands – Getur sett strik í reikninginn varðandi NATO-aðild

Kristján Kristjánsson
Fimmtudaginn 8. desember 2022 08:00

Fáni NATO. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Sænski ríkissaksóknarinn hefur hafnað kröfu um framsal tveggja Tyrkja til Tyrklands. Tyrkir telja að mennirnir séu hryðjuverkamenn og vilja fá þá framselda. Framsal þeirra var hluti af samningi á milli Svíþjóðar og Tyrklands til að tryggja stuðning Tyrkja við umsókn Svía um aðild að NATO.

Tyrkir telja að mennirnir tilheyri íslömsku Gülen-hreyfingunni sem er sökuð um að hafa reynt að ræna völdum í Tyrklandi 2016.

Expressen segir að ríkissaksóknarinn telji ekki að mennirnir hafi gerst sekir um brot á sænskum lögum og því sé engin ástæða til að efna til réttarhalda um hvort það eigi að framselja þá.

Ákvörðunin getur haft mikil áhrif á aðildarumsókn Svía að NATO því öll aðildarríkin þurfa að samþykkja umsóknina. Tyrkir hafa einmitt notfært sér þetta til að setja fram kröfur á hendur Svíum en dvöl pólitískra andstæðinga Erdogan, Tyrklandsforseta, í Svíþjóð fer fyrir brjóstið á þeim. Segja Tyrkir þá vera hryðjuverkamenn og vilja fá þá framselda.

Tvímenningarnir sem um ræðir hafa ekki gerst sekir um brot gegn sænskum lögum að mati ríkissaksóknarans en Tyrkir segja þá báða hafa hlaðið niður appinu ByLock sem talið er að Gülen-hreyfingin noti. Annar þeirra er einnig sagður hafa tekið þátt í fundum hreyfingarinnar. Hann hefur fengið hæli og varanlegt dvalarleyfi í Svíþjóð.

Hinn hefur fengið hæli í Svíþjóð og þriggja ára dvalarleyfi að sögn Expressen.

Báðir neita þeir að tengjast Gülen-hreyfingunni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Í gær

BÍ segir sig úr Alþjóðasambandi blaðamanna – „Ekki auðveld ákvörðun“

BÍ segir sig úr Alþjóðasambandi blaðamanna – „Ekki auðveld ákvörðun“
Eyjan
Fyrir 2 dögum

Efling birtir Félags- og vinnumarkaðsráðuneytinu stjórnsýslukæru – Telja málamiðlunartillögu valda óafturkræfu tjóni 

Efling birtir Félags- og vinnumarkaðsráðuneytinu stjórnsýslukæru – Telja málamiðlunartillögu valda óafturkræfu tjóni 
Eyjan
Fyrir 3 dögum

Sólveig Anna rekur atburðarásina – „Þetta eru allt staðreyndir sem enginn getur hrakið“

Sólveig Anna rekur atburðarásina – „Þetta eru allt staðreyndir sem enginn getur hrakið“