fbpx
Sunnudagur 17.október 2021
Eyjan

Tómas Ellert hellir sér yfir Guðna Ágústsson – „Hér er um að ræða vel skipulagða og stigmagnandi rógsherferð í minn garð“

Ágúst Borgþór Sverrisson
Laugardaginn 18. september 2021 15:45

Tómas Ellert Tómasson (t.v.) og Guðni Ágústsson.

Ekki missa af Helstu tíðindum dagsins í pósthólfið þitt

Lesa nánar

Tómas Ellert Tómasson, kosningastjóri Miðflokksins, frambjóðandi á lista flokksins til Alþingiskosninganna og bæjarfulltrúi í Árborg, segir Guðna Ágústsson, fyrrverandi formann Framsóknarflokksins og fyrrverandi ráðherra, vera einn helsta skítadreifara Framsóknarflokksins í kosningabaráttunni.

Þetta kemur fram í pistli sem Tómas birtir á Vísir.is. Hann sakar Guðna um að breiða út lygar í félagi við ráðherrana Lilju Alfreðsdóttur og Ásmund Einar Daðason „með því að setja sig í beint samband við fólk í þeim tilgangi að breiða út lygar og það hefur komið í ljós að hér eru um að ræða vel skipulagða og stigmagnandi rógsherferð í minn garð, í garð formanns Miðflokksins og annarra flokksfélaga minna, að þá er mér nóg boðið. Orðið skítadreifarar er jafnan notað um slíkt!“

Tómas segir að aðferð „skítadreifaranna“ sé að setja sig í samband við áhrifafólk innan Miðflokksins og lofa þeim „velvild“ ef þau lýsi yfir stuðningi við Framsóknarflokkinn.

Tómas segir að Guðni eigi að skammast sín og ávarpar hann með eftirfarandi orðum í lokahluta pistilsins:

„Við þig vil ég segja Guðni minn og frændi, á opinberum vettvangi, að ég hafna fyrirfram öllum loforðum frá þér og þínum um einhverja „velvild“. Mikil er nú ósvífni þín að þú skulir haga þér með þessum hætti gagnvart mínum mætu flokksfélögum, eftir þá velgjörð sem ég hef veitt þér í mínum störfum sem bæjarfulltrúi í Svf. Árborg. Í þeim störfum hef ég ætíð tekið erindum og ábendingum þínum vel og fylgt þeim eftir innan stjórnkerfisins, enda oft góðar og þarfar ábendingar. Nú langar mig til að spyrja þig: „Eru þetta þakkirnar?“ Ég sem þekkti þig ekki af neinu nema góðu. Skammastu þín Guðni Ágústsson!“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt