Kári Stefánsson, forstjóri Íslenskrar erfðagreiningar, segist ekki skilja hvers vegna ekki sé búið að ráðast í nýja bólusetningarherferð. Þetta kemur fram í viðtali Morgunblaðsins við hann.

Kári segir langt sumarfrí í bólusetningum vera óásættanlegt þegar heimsfaraldur sé í gangi. Fram kemur að hann hafi viljað bólusetja þá 50.000 sem fengu Janssen í þessari viku.

„Ég skil ekki hvernig stendur á því að ekki er ráðist í bólusetningarherferð núna,“ segir hann og bætir við: „Það er ekki hægt að sætta sig við mánaðar sumarfrí frá bólusetningum í miðjum faraldri.“

Kári segist ekki sjá neina ástæðu til þess að bólusetja ekki börn og viðkvæma hópa á sama tíma.

Tekið er fram að bólusetningar virðist henta illa sem smitvörn, en vel til að forða fólk frá alvarlegum veikindum. Kári segir að miklu fleiri bylgjur muni koma til landsins og að markmiðið núna verði frekar að „tryggja að hver bylgja sé ekki svo stór að hún bugi heilbrigðiskerfið og bugi atvinnuvegi þjóðarinnar.“