fbpx
Föstudagur 26.nóvember 2021
Eyjan

ÁTVR sakar Sante SAS og Arnar Sigurðsson um skattsvik

Kristján Kristjánsson
Föstudaginn 16. júlí 2021 09:00

Mynd/Eyþór

Ekki missa af Helstu tíðindum dagsins í pósthólfið þitt

Lesa nánar

Áfengis- og tóbaksverslun ríkisins, ÁTVR, hefur kært frönsku netverslunina Sante SAS, systurfyrirtæki hennar, Santewines ehf. og eiganda þeirra beggja, Arnar Sigurðsson, til lögreglunnar. Fullyrðir ÁTVR að franska fyrirtækið innheimti 11% virðisaukaskatt af seldum vörum án þess að fyrirtækið sé með virðisaukaskattsnúmer.

Morgunblaðið skýrir frá þessu í dag. Blaðið er með kæruna undir höndum og segir að hún sé undirrituð af Ívari J. Arndal, forstjóra ÁTVR.

Fram kemur að í kærunni segi að umsvif franska fyrirtækisins bendi til að undanskot þess á virðisaukaskatti nemi „verulegum fjárhæðum“. Kæran er dagsett í lok júní. Þennan sama dag sendi ÁTVR kæru til ríkisskattstjóra og fer fram á að leyfi Santewines ehf. til innflutnings á áfengi verði ekki endurnýjað en það rennur út í desember. Einnig kemur fram í kærunni að viðskipti Santewines SAS og Sante ehf. séu augljós málamyndagjörningur. Vínið sé flutt til landsins af Sante ehf. sem selji það síðan til Santewines SAS sem selji það síðan í netverslun sinni. Vínið sé því ekki flutt á milli landa og sé geymt á sama lagernum allan tímann.

Einnig er farið fram á að starfsemi fyrirtækjanna verði rannsökuð sem og Arnar Sigurðsson og að hann verði látinn sæta refsingu og dæmdur til fangelsisvistar fyrir meint brot.

Morgunblaðið segir einnig að samkvæmt kæruskjölunum ætli ÁTVR einnig að reyna að stöðva áfengissölu Brugghússins Steðja ehf. og Bjórlands ehf. en bæði fyrirtækin hafa boðið áfengi í smásölu og til afhendingar án milligöngu ÁTVR.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Guðlaugur er kominn í sóttkví – „Ekki fundið fyrir einkennum og kennir sér einskis meins“

Guðlaugur er kominn í sóttkví – „Ekki fundið fyrir einkennum og kennir sér einskis meins“
Eyjan
Fyrir 3 dögum

Traust afkoma OR fyrstu níu mánuði ársins

Traust afkoma OR fyrstu níu mánuði ársins
Eyjan
Fyrir 1 viku

Baldur yfirgefur Miðflokkinn – Ítrekað orðið vitni að starfsháttum og framkomu sem hann sættir sig ekki við

Baldur yfirgefur Miðflokkinn – Ítrekað orðið vitni að starfsháttum og framkomu sem hann sættir sig ekki við
Eyjan
Fyrir 1 viku

Polestar rafbílar loks fáanlegir hérlendis

Polestar rafbílar loks fáanlegir hérlendis