fbpx
Fimmtudagur 27.janúar 2022
Eyjan

Orðið á götunni – Framsókn leggur allt í sölurnar fyrir draumaráðuneyti Lilju

Eyjan
Laugardaginn 13. nóvember 2021 11:15

Lilja Alfreðsdóttir. Mynd: Valli

Ekki missa af Helstu tíðindum dagsins í pósthólfið þitt

Lesa nánar

Forsvarsmenn ríkisstjórnarflokkanna hafa núna setið í reykmettuðum bakherbergjum í rúmar sjö vikur að hnoða saman stjórnarsáttmála og ekki síður ákveða skiptingu ráðuneyta. Líkur eru taldar á því að nýtt ráðuneyti muni fæðast og þá er ljóst að einhverjar breytingar verða á verkaskiptingum ráðuneyta.

Eins og kom fram í Orðinu fyrir tæpri viku síðan eru yfirgnæfandi líkur á því að Svandís Svavarsdóttir, heilbrigðisráðherra, hverfi á braut þaðan og taki jafnvel að sér embætti forseta Alþingis. Sjálfstæðismenn hafa lagt þunga áherslu á að fá lyklavöldin í Heilbrigðisráðuneytinu og líklegt er að það gangi eftir.

Á móti þurfa Sjálfstæðismenn mögulega að gefa eftir hið eftirsótta utanríkisráðuneyti. Guðlaugur Þór Þórðarsson hefur gegnt embættinu á þessu kjörtímabili og verið farsæll í starfi. Hermt er að Guðlaugur Þór vilji gjarnan halda áfram þeim störfum sínum en þurfi mögulega að fórna sér fyrir Flokkinn.

Framsóknarflokkurinn var óumdeildur sigurvegari síðustu Alþingiskosninga og var því í sterkri samningsstöðu í stjórnarmyndunarviðræðunum. Heimildir Orðsins herma að forysta Framsóknar hafi ákveðið að eyða hluta af púðrinu í að tryggja að heitast ósk Lilju Alfreðsdóttur yrði uppfyllt – embætti Guðlaugs Þórs.

Lilja er kunnug staðarháttum í utanríkisráðuneytinu því hún tók við embættinu sem utanþingsráðherra í apríl 2016 og gegndi því  í rúmt eitt og hálft ár eða fram að alþingiskosningunum 2017. Þetta kjörtímabil hefur Lilja setið í stóli ráðherra mennta- og menningarmála og hefur verið gerður góður rómur að hennar störfum þar. Hún kunni þó betur við sig í utanríkismálunum og nú gæti sú ósk verið að rætast.

Eins og Orðið greindi frá á dögunum eru allar líkur taldar á því að Svandís Svavarsdóttir yfirgefi heilbrigðisráðuneytið og taki mögulega við embætti forseta Alþingis. Herma heimildir Orðsins að margir Sjálfstæðismenn vilji gjarnan að Guðlaugur Þór taki af við lyklavöldunum af Svandísi. Þar er hann öllum hnútum kunnugur eftir að hafa gegnt embættinu fyrir hrun.

Embættið er kannski ekki hans fyrsta val en tækifærið er stórt. Heilbrigðismálin eru í fullkomnum ólestri og sá sem nær að snúa þeirri stöðu við mun styrkja stöðu sína verulega.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Biden íhugar að senda mörg þúsund hermenn til Evrópu

Biden íhugar að senda mörg þúsund hermenn til Evrópu
Eyjan
Fyrir 3 dögum

Flytja bandaríska sendiráðsstarfsmenn frá Úkraínu vegna ótta við innrás Rússa

Flytja bandaríska sendiráðsstarfsmenn frá Úkraínu vegna ótta við innrás Rússa
Eyjan
Fyrir 4 dögum

SÞ segja að Íranar smygli vopnum til uppreisnarmanna í Jemen

SÞ segja að Íranar smygli vopnum til uppreisnarmanna í Jemen
Eyjan
Fyrir 4 dögum

Björn Ingi harðorður í Silfrinu – „Guð forði okkur svo frá því að það komi ný afbrigði um páskana“

Björn Ingi harðorður í Silfrinu – „Guð forði okkur svo frá því að það komi ný afbrigði um páskana“
Eyjan
Fyrir 1 viku

Ólöf segir börnin fært mestu fórnirnar í Covid faraldrinum þó sjúkdómurinn bíti minnst á þeim

Ólöf segir börnin fært mestu fórnirnar í Covid faraldrinum þó sjúkdómurinn bíti minnst á þeim
Eyjan
Fyrir 1 viku

Skortur á orku yfirvofandi hér á landi

Skortur á orku yfirvofandi hér á landi