fbpx
Föstudagur 26.nóvember 2021
Eyjan

Þingnefnd mælir með ákæru á hendur Jair Bolsonaro vegna heimsfaraldursins

Kristján Kristjánsson
Miðvikudaginn 27. október 2021 08:00

Jair Bolsonaro.

Ekki missa af Helstu tíðindum dagsins í pósthólfið þitt

Lesa nánar

Brasilísk þingnefnd hefur samþykkt skýrslu, þar sem mælt er með að Jair Bolsonaro forseti, verði ákærður vegna viðbragða hans við heimsfaraldri kórónuveirunnar. Leggur nefndin því til að forsetinn verði ákærður. Atkvæði féllu 7-4 þegar atkvæði voru greidd um skýrsluna.

Sky News skýrir frá þessu. Fram kemur að í skýrslunni sé lagt til að forsetinn verði ákærður fyrir margvísleg brot í starfi, til dæmis skottulækningar, glæpi gegn mannkyni og misnotkun á almannafé.

Rúmlega 600.000 Brasilíumenn hafa látist af völdum COVID-19 og er þetta næst mesti fjöldi látinna í einu landi, aðeins í Bandaríkjunum hafa fleiri látist. Bolsonaro hefur verið sakaður um að setja efnahaginn ofar en mannslíf í forgangsröðun sinni í baráttunni við faraldurinn.

Fyrrnefnd skýrsla er afrakstur sex mánaða rannsóknar á viðbrögðum stjórnar Bolsonaro við heimsfaraldrinum. Það er því ekki útilokað að Bolsonaro verði dreginn til ábyrgðar fyrir dauða þeirra rúmlega 600.000 sem hafa látist af völdum COVID-19.

Forsetinn neitar að hafa gert nokkuð rangt og líklegt má telja að hann hafi ekki miklar áhyggjur af hugsanlegri ákæru því það er í höndum Augusto Aras, ríkissaksóknara, að gefa út slíka ákæru ef til þess kemur. Hann var útnefndur í embættið af Bolsonaro og er almennt talinn tryggur varðhundur forsetans og því ólíklegt að hann ákæri hann.

En þótt að ákæra verði ekki gefin út er líklegt að skýrslan og samþykkt þingmannanefndarinanr kyndi enn frekar undir gagnrýni á hendur Bolsonaro sem stefnir að endurkjöri á næsta ári en það gæti orðið á brattann að sækja. Vinsældir hans fara mjög dvínandi miðað við niðurstöður skoðanakannana.

Frá upphafi faraldursins hefur Bolsonaro skemmt fyrir sóttvarnaaðgerðum héraðsleiðtoga og sagt að ekki mætti skaða efnahagslífið því það myndi gera stöðu fátækra landsmanna enn verri.

Hann hefur einnig ítrekað mælt með notkun malaríulyfs gegn veirunni en rannsóknir hafa sýnt að það gagnast ekki. Hann hefur komið opinberlega fram án þess að nota andlitsgrímu og efast um gagnsemi bóluefna.

Hann hefur varið sjálfan sig og sagt að hann sé meðal fárra þjóðarleiðtoga sem séu nægilega hugrakkir til að standa gegn pólitískri rétthugsun og ráðleggingum alþjóðaheilbrigðismálastofnana.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

Guðlaugur er kominn í sóttkví – „Ekki fundið fyrir einkennum og kennir sér einskis meins“

Guðlaugur er kominn í sóttkví – „Ekki fundið fyrir einkennum og kennir sér einskis meins“
Eyjan
Fyrir 3 dögum

Segir óhjákvæmilegt að gera bólusetningu gegn kórónuveirunni að skyldu í Þýskalandi

Segir óhjákvæmilegt að gera bólusetningu gegn kórónuveirunni að skyldu í Þýskalandi
Eyjan
Fyrir 3 dögum

Albanía gæti orðið endastöð förufólks sem fer yfir Ermarsund

Albanía gæti orðið endastöð förufólks sem fer yfir Ermarsund
Eyjan
Fyrir 4 dögum

Sauð upp úr í Silfrinu: Umræða um spítalann setti allt á hliðina – „Þegar það leggst inn fjöldi sem samsvarar þingflokki Sjálfstæðisflokksins verða takmarkanir út um allt í samfélaginu“

Sauð upp úr í Silfrinu: Umræða um spítalann setti allt á hliðina – „Þegar það leggst inn fjöldi sem samsvarar þingflokki Sjálfstæðisflokksins verða takmarkanir út um allt í samfélaginu“
Eyjan
Fyrir 5 dögum

Þetta kaupir hið opinbera af áskriftum prentmiðla – Mogginn fær langmest en Stundin lítið sem ekkert

Þetta kaupir hið opinbera af áskriftum prentmiðla – Mogginn fær langmest en Stundin lítið sem ekkert
Eyjan
Fyrir 1 viku

Hulda ráðin til dk hugbúnaðar

Hulda ráðin til dk hugbúnaðar
Eyjan
Fyrir 1 viku

Björn Ingi sakar Tómas um karlrembu og læknahroka – „Fengu á sig hrútskýringu til baka frá yfirlækninum“

Björn Ingi sakar Tómas um karlrembu og læknahroka – „Fengu á sig hrútskýringu til baka frá yfirlækninum“
Eyjan
Fyrir 1 viku

Þrjú rótgróin iðnfyrirtæki sameinast – Áætluð velta verður um 4 milljarða fyrir 2023.

Þrjú rótgróin iðnfyrirtæki sameinast – Áætluð velta verður um 4 milljarða fyrir 2023.
Eyjan
Fyrir 1 viku

Halldóra Sveinsdóttir nýr 3. varaforseti ASÍ

Halldóra Sveinsdóttir nýr 3. varaforseti ASÍ