fbpx
Föstudagur 26.nóvember 2021
Eyjan

Friðjón og Helga Vala sammála um undarlega knappan umsóknarfrest – „Þetta er pólitískur jarðskjálfti“

Eyjan
Föstudaginn 15. október 2021 14:52

Ekki missa af Helstu tíðindum dagsins í pósthólfið þitt

Lesa nánar

Almannatengillinn og Sjálfstæðismaðurinn Friðjón Friðjónsson og Helga Vala Helgadóttir, þingman Samfylkingarinnar eru ekki sammála um margt enda á andstæðum pólitískum pólum.

Hins vegar eru þau sammála um það að nýbirt auglýsing um embætti forstjóra Landspítalans sé með alltof skömmum umsóknarfrest.

„Það er fráleitt að auglýsa starf forstjóra LSH með 15 daga umsóknarfrest. Þetta er eitt viðamesta og flóknasta opinbera starf sem til er. Viljum við ekki fá umsækjendur?,“ skrifar Friðjón á Twitter.

Undir þetta tekur Helga Vala í athugasemd. „Já, ég verð að vera þér innilega sammála. Líka vekur það alltaf tortryggni þegar auglýst er og umsóknarfrestur framlengdur.“

Friðjón varð þá gáttaður á því að Helga Vala og hann væru sammála um eitthvað annað knattspyrnufélagið Valur sé yfirburðafélag. „Vó! Við sammála um eitthvað annað en dýrð Vals. Þetta er pólitískur jarðskjálfti,“ skrifar Friðjón í svari. Því svarar Helga Vala með: „Skellur“.

Helga Vala gerði gott eitt betur og deildi tísti Friðjóns og skrifaði með deilingunni:

„Er sammála Friðjóni. Það vekur furðu að auglýst sé til eins flóknasta og viðamesta opinbera starfs sem til er hér á landi og umsóknarfrestur sé 15 dagar. Það vekur alltaf ákveðna tortryggni að framlengja frest umfram það sem var en það er líka óeðlilegt að gefa 15 daga.“

Í athugasemdum við tíst Friðjóns furða sig fleiri á hinum skamma umsóknarfrest og velta því jafnvel fyrir sér hvort hann sé hafður þetta skammur því nú þegar sé búið að ákveða hver fái starfið.

„Það er væntanlega búið að ákveða hver fær starfið og því ekkert verið að sækjast eftir mörgum umsóknum,“ skrifar einn.

„Er þetta ekki umsóknarfrestur fyrir einn ákveðinn umsækjanda?,“ spyr annar. Friðjón svarar því til að hann viti ekki svarið við spurningunni en viti þó að skammur umsóknarfrestur sé tól „þess sem ræður til að fækka umsækjendum“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Guðlaugur er kominn í sóttkví – „Ekki fundið fyrir einkennum og kennir sér einskis meins“

Guðlaugur er kominn í sóttkví – „Ekki fundið fyrir einkennum og kennir sér einskis meins“
Eyjan
Fyrir 3 dögum

Traust afkoma OR fyrstu níu mánuði ársins

Traust afkoma OR fyrstu níu mánuði ársins
Eyjan
Fyrir 1 viku

Baldur yfirgefur Miðflokkinn – Ítrekað orðið vitni að starfsháttum og framkomu sem hann sættir sig ekki við

Baldur yfirgefur Miðflokkinn – Ítrekað orðið vitni að starfsháttum og framkomu sem hann sættir sig ekki við
Eyjan
Fyrir 1 viku

Polestar rafbílar loks fáanlegir hérlendis

Polestar rafbílar loks fáanlegir hérlendis