Á félagsfundi Vinstri grænna í Reykjavík í kvöld mun stjórn félagsins bera fram tillögu um hvort fara eigi í forval eða uppstillingu á lista fyrir komandi alþingiskosningar. Þá verður í framhaldinu borin upp tillaga að uppstillingarnefnd/kjörstjórn.

Fyrir síðustu alþingiskosningar leiddi Katrín Jakobsdóttir, forsætisráðherra, listann í Reykjavík norður og Svandís Svavarsdóttir, heilbrigðisráðherra, leiddi í Reykjavík suður.  Úr þessum kjördæmum koma einnig þau Steinunn Þóra Árnadóttir sem var í öðru sæti á lista í Reykjavík norður og Kolbeinn Óttarsson Proppé sem var í öðru sæti í Reykjavík suður.

Fundurinn fer fram kl 20:00 á Zoom og er opinn félagsfólki.