fbpx
Laugardagur 24.júlí 2021
Eyjan

Bjarni segir að framferði skæruliðadeildar Samherja sé hlægilegt miðað við það sem Baugur gerði

Ágúst Borgþór Sverrisson
Sunnudaginn 30. maí 2021 13:51

Mynd: Facebook

Ekki missa af Helstu tíðindum dagsins í pósthólfið þitt

Lesa nánar

Framganga aðila innan Samherja, sem nýverið var afhjúpuð eftir leka farsímagagna, var til umræðu í umræðum formanna þingflokkanna í Silfrinu á RÚV í dag. Birtar hafa verið samræður þröngs hóps aðila innan Samherja sem sýna áform um að njósna um og ófrægja fjölmiðlamenn auk þess að freista þess að hafa áhrif á formannskjör í Blaðamannafélaginu, sem og á prófkjör hjá Sjálfstæðisflokknum.

Logi Ólafsson, formaður Samfylkingarinnar, sagði þetta vera dæmi um hvað óhófleg auðsöfnun gæti verið hættuleg lýðræðinu, hagsmunagæslan yrði svo grimmileg og fyrirtæki svifust einskis. Sagði hann þetta kalla á endurskoðun á fiskveiðistjórnunarkerfinu.

Í sama streng tók Þórhildur Sunna Ævarsdóttir frá Pírötum og Þorgerður Katrín Gunnarsdóttir Viðreisn.

Bjarni Benediktsson, fjármálaráðherra og formaður Sjálfstæðisflokksins, þvertók fyrir að þetta mál hefði eitthvað að gera með fiskveiðistjórnunarkerfið. Það væri umræðu vert hvernig fyrirtæki gætu nýtt auð sinn til að hafa áhrif á samfélagsumræðuna, meðal annars með  eignarhaldi á fjölmiðlum. Minnti Bjarni þá á Baugsveldið sem hefði gefið út Fréttablaðið á sínum tíma. Jóhannes heitinn í Bónus hefði keypt stórar auglýsingar í blöðum til að vinna gegn einum frambjóðanda Sjálfstæðisflokksins, Birni Bjarnasyni. Tilburðir Samherjamanna nú væru hlægilegir við hliðina á þessari framgöngu Baugs á sínum tíma. Þetta framferði væri Samherja hins vegar ekki til sóma.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

Viðskiptablaðið hjólar í Kristrúnu eftir að hún sakaði blaðið um kvenfyrirlitningu

Viðskiptablaðið hjólar í Kristrúnu eftir að hún sakaði blaðið um kvenfyrirlitningu
Eyjan
Fyrir 3 dögum

Óli Björn gerir grín að sósíalisma – „Kast­ró er ekki bú­inn að vera fimm mín­út­ur í hel­víti og við erum þegar byrjaðir að fá flótta­menn“

Óli Björn gerir grín að sósíalisma – „Kast­ró er ekki bú­inn að vera fimm mín­út­ur í hel­víti og við erum þegar byrjaðir að fá flótta­menn“
Eyjan
Fyrir 1 viku

Óvæntar vendingar í gistileyfastríðinu í Borgarbyggð – Sveitarstjórn réttir fram sáttahönd

Óvæntar vendingar í gistileyfastríðinu í Borgarbyggð – Sveitarstjórn réttir fram sáttahönd
Eyjan
Fyrir 1 viku

Halldór segir stöðuna eftirsóknarverða og fólk vanti til starfa

Halldór segir stöðuna eftirsóknarverða og fólk vanti til starfa
Eyjan
Fyrir 1 viku
Eign fyrir alla