fbpx
Þriðjudagur 24.nóvember 2020
Eyjan

Karl segir ríkisstjórnina vega að leigubílstjórum – „Leyfislausir skutlarar og aðrir lögbrjótar“

Ágúst Borgþór Sverrisson
Föstudaginn 13. nóvember 2020 17:45

Karl Gauti Hjaltason.

Ekki missa af Helstu tíðindum dagsins í pósthólfið þitt

Lesa nánar

Karl Gauti Hjatlason, þingmaður Miðflokksins, hefur áhyggjur af nýju frumvarpi ríkisstjórnarinnar um leigubílaakstur. Samkvæmt því munu þeir sem hyggjast stunda leigubílaakstur ekki þurfa að skrá sig á leigubílastöð og fjöldi útgefinna leyfa verður ekki takmarkaður.

„Þetta frumvarp, sem leigubílstjórar telja að muni skerða mjög afkomu þeirra, er lagt fram þegar atvinnutekjur þeirra hafa dregist verulega saman vegna veirufaraldursins. Fjöldi bílstjóra er atvinnulaus og þeir sem enn reyna að gera út sínar bifreiðar hafa varla upp í rekstrarkostnað við bílinn,“ segir Karl í grein sem hann birti í Morgunblaðinu í dag.

Karl lýsir afleiðingum af sambærilegum lagabreytingum í Finnlandi. Segir hann öryggi bæði bílstjóra og farþega hafa minnkað:

„Fréttir um reynslu Finna af ofangreindri innleiðingu á samkeppni á leigubifreiðamarkaði gefa til kynna að hún virðist miður góð. Finnska dagblaðið Ilta-Sanomat ræddi við fjölmarga leigubifreiðarstjóra. Segja þeir frá slagsmálum bílstjóra um kúnna í Helsinki og segja þeir að glannalegir bílstjórar myndi „hálfgerð gengi“ og hafi yfirtekið markaðinn á ákveðnum
svæðum í borginni. Þeir segja að kjör þeirra hafi versnað mikið með tilkomu nýju laganna og margir þeirra forðist þau svæði þar sem árásargjarnir bílstjórar hafa sig mest í frammi.“

Karl segir jafnframt að verð á akstri hafi hækkað við þessar breytingar samkvæmt skoðanakönnunum upplifi farþegar sig óöruggari en áður, meðal annars farþegar með hreyfihömlun.

Um ástandið hér á landi segir Karl:

„Vinna leigubifreiðarstjóra hefur dregist það mikið saman að tekjurnar duga ekki fyrir rekstri bifreiðar, hvað þá launum. Eftirlit með brotum á núgildandi löggjöf hér á landi hefur reynst mjög
brotakennt. Leyfislausir skutlarar og aðrir lögbrjótar aka farþegum og sumir bjóða til sölu ólögleg fíkniefni. Þrátt fyrir kvartanir og augljós lögbrot hirða eftirlitsaðilar ekki um að fylgjast með brotum eða koma yfir þá lögum. Að klæða breytingarnar í þau föt að eftirlit muni verða betra er í besta falli fyrirsláttur í ljósi reynslunnar.“

Karl segir að fyrirætlanir ríkisstjórnarinnar séu háskalegar í því ástandi sem nú ríkir enda hafi kjör leigubílstjóra rýrnað mikið. Áhrif breytinganna séu háð fullkominni óvissu:

„Bifreiðarstjórar búa nú við mikinn samdrátt í sínum rekstri og berjast alla daga fyrir afkomu sinni. Í því ástandi eru fyrirætlanir ríkisstjórnarinnar háskalegar. En hún sýnir einnig skort á ábyrgð í
ljósi þess að áhrif breytinganna eru háð fullkominni óvissu. Menn hafa reynslu Finna fyrir augunum en láta sem þeir sjái ekki neitt.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 4 dögum

„Smátt og smátt hverfur öll kímnigáfa og depurð og kvíði yfirtekur allt“

„Smátt og smátt hverfur öll kímnigáfa og depurð og kvíði yfirtekur allt“
Eyjan
Fyrir 5 dögum

Ásakanir um hreinsanir hjá Upplýsingatækniþjónustu Reykjavíkurborgar – „Nótt hinna löngu hnífa“

Ásakanir um hreinsanir hjá Upplýsingatækniþjónustu Reykjavíkurborgar – „Nótt hinna löngu hnífa“
Eyjan
Fyrir 1 viku

Steingrímur J. kveður brátt – Vinstri græn standa á krossgötum

Steingrímur J. kveður brátt – Vinstri græn standa á krossgötum
Eyjan
Fyrir 1 viku

Segir meirihlutann fórna almannahagsmunum fyrir stundargróða

Segir meirihlutann fórna almannahagsmunum fyrir stundargróða
Eyjan
Fyrir 1 viku

„Ómerkilegur popúlismi“ segir Morgunblaðið um fyrirspurn Þorgerðar

„Ómerkilegur popúlismi“ segir Morgunblaðið um fyrirspurn Þorgerðar
Eyjan
Fyrir 1 viku

Telja að Obamacare muni halda velli

Telja að Obamacare muni halda velli
Eyjan
Fyrir 1 viku

Svandís fylgist með Landakotsmálinu en getur ekki tjáð sig á þessu stigi

Svandís fylgist með Landakotsmálinu en getur ekki tjáð sig á þessu stigi
Eyjan
Fyrir 1 viku

Guðmundur felldi tár vegna frétta seinustu helgar – „Ekki sýna fólki vanvirðingu. Ekki vera siðlaus egóisti“

Guðmundur felldi tár vegna frétta seinustu helgar – „Ekki sýna fólki vanvirðingu. Ekki vera siðlaus egóisti“