fbpx
Föstudagur 04.júlí 2025
Eyjan

Ferðamálastofa ætlar að auglýsa á samfélagsmiðlum – Engin samræmd ákvörðun tekin í ríkisstjórn

Kristján Kristjánsson
Miðvikudaginn 29. apríl 2020 07:43

Ferðamenn sem margir hverjir nýta sér þjónustu leiðsögumanna.

Ekki missa af Helstu tíðindum dagsins í pósthólfið þitt

Lesa nánar

Ferðamálastofa ætlar að hvetja landsmenn til að ferðast innanlands í sumar og ætlar meðal annars að auglýsa á erlendum samfélagsmiðlum. Þórdís Kolbrún Reykfjörð Gylfadóttir, ferðamálaráðherra, telur ekkert athugavert við að auglýst verði á erlendum samfélagsmiðlum. Bjarni Benediktsson, fjármálaráðherra, segir það vandamál ef samskipti stjórnvalda við almenning færist alfarið yfir á samfélagsmiðla og Katrín Jakobsdóttir, forsætisráðherra, segir að vert sé að móta stefnu í þessum málaflokki.

Morgunblaðið skýrir frá þessu í dag. Haft er eftir Þórdísi að Ferðamálastofa ætli að reyna að ná til sem flestra með þessu.

„Það er einfaldlega þannig að samfélagsmiðlar eru öflugt tæki til þess. Ég geri enga athugasemd við að Ferðamálastofa nýti þessar leiðir eins og aðrar.“

Er haft eftir henni. Hún benti einnig á að einnig verði auglýst í innlendum miðlum.

Haft er eftir Bjarna að það hafi reynst ódýrt að koma skilaboðum til margra í gegnum samfélagsmiðla en þessi leið megi þó ekki taka yfir.

„Það væri vandamál ef við færum alfarið úr íslenskum fjölmiðlaheimi yfir á samfélagsmiðla með öll samskipti við borgara vegna þess að það myndi grafa undan tilveru fjölmiðla, sem væri skrítið að við gerðum á sama tíma og við erum að styðja þessa sömu miðla. En einhvers konar blanda við nýtingu ólíkra boðleiða til fólks gæti komið til greina.”

Er haft eftir honum. Hann benti einnig á að engin miðlæg ákvörðun hafi verið tekin um hvernig þessum málum verður háttað, það sé í valdi stofnana að ákveða hvernig þær haga auglýsingamálum sínum.

„Það er engin skýr samræmd stefna sem hefur verið mótuð en mér fyndist það allrar umræðu vert, að taka þetta fyrir á vettvangi ríkisstjórnar.“

Er haft eftir Katrínu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Veiðigjaldafrumvarpið: Harðlínumennirnir hafa undirtökin innan SFS – málflutningurinn heldur ekki vatni

Veiðigjaldafrumvarpið: Harðlínumennirnir hafa undirtökin innan SFS – málflutningurinn heldur ekki vatni
Eyjan
Fyrir 3 dögum

Að standa með liðinu eða standa með grundvallarréttindum – hvað varð um Piers Morgan?

Að standa með liðinu eða standa með grundvallarréttindum – hvað varð um Piers Morgan?
Eyjan
Fyrir 1 viku

Þorbjörg Sigríður: Ríkisstjórnin klárar stóru málin – fólk kann að meta breytingarnar sem fylgja stjórninni

Þorbjörg Sigríður: Ríkisstjórnin klárar stóru málin – fólk kann að meta breytingarnar sem fylgja stjórninni
Eyjan
Fyrir 1 viku

Saka Heiðrúnu Lind um alvarlegar rangfærslur – „Notast áfram við tölur sem hún veit að eru ekki þær réttu“

Saka Heiðrúnu Lind um alvarlegar rangfærslur – „Notast áfram við tölur sem hún veit að eru ekki þær réttu“