Mánudagur 17.febrúar 2020
Eyjan

Stefán sagður koma til greina sem næsti útvarpsstjóri

Ritstjórn Eyjunnar
Föstudaginn 24. janúar 2020 13:43

Ekki missa af Helstu tíðindum dagsins í pósthólfið þitt

Lesa nánar

Stefán Eiríksson, borgarritari og fyrrverandi lögreglustjóri á höfuðborgarsvæðinu er meðal umsækjenda um starf útvarpsstjóra. Þetta fullyrðir Kjarninn eftir sínum heimildum, en Stefán sjálfur neitar að tjá sig um málið.

Er Stefán sagður í fámennum hópi fólks umsækjenda sem komnir eru áfram í ráðningarferlinu, en alls sótti 41 um starfið.

Þá segir Kjarninn að Þorsteinn Gunnarsson, fyrrverandi íþróttafréttamaður á Stöð 2 og nú sveitarstjóri í Skútustaðarhreppi, sé einnig meðal umsækjenda.

Búist er við að ráðningarferlið klárist í næstu viku, en lagt var upp með að því yrði lokið um mánaðarmótin, samkvæmt Capacent, sem heldur utan um ráðningarferlið.

Brugðið var út af þeim lögbundna vana að birta nöfn umsækjenda, með því markmiði að fá betri umsækjendur. Hins vegar var ákveðið að framlengja umsóknarfrestinn um viku, þegar sá fyrri rann út þann 2. desember.

Meðal staðfestra umsækjenda eru Svan­hildur Hólm Vals­dótt­ir, aðstoð­ar­maður Bjarna Bene­dikts­sonar fjár­mála- og efna­hags­ráð­herra, Kristín Þor­steins­dótt­ir, fyrr­ver­andi rit­stjóri Frétta­blaðs­ins, Elín Hir­st, fyrr­ver­andi þing­maður Sjálf­stæð­is­flokks og frétta­stjóri RÚV, Her­­dís Kjerulf Þor­­geir­s­dótt­ir, doktor í lögum, Bald­vin Þór Bergs­­son, Kol­brún Hall­dórs­dótt­ir, fyrr­ver­andi þing­maður VG og umhverf­is­ráð­herra, Baldvin Þór Bergsson, dag­­skrár­­stjóri núm­iðla hjá RÚV og Stein­unn Ólína Þor­­­steins­dótt­ir, leik­­­kona og fyrr­ver­andi rit­­­stjóri Kvenna­­­blaðs­ins.

Þá hefur Karl Garðarsson, framkvæmdastjóri Frjálsrar fjölmiðlunar og fyrrverandi þingmaður Framsóknarflokksins einnig verið orðaður við stöðuna, en hann vildi ekki staðfesta það við Kjarnann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Leitin að eftirmanni Stefáns hafin – „Inn í starfslýsinguna vantar hlutleysiskröfu“ – Nöfn umsækjenda verða gerð opinber

Leitin að eftirmanni Stefáns hafin – „Inn í starfslýsinguna vantar hlutleysiskröfu“ – Nöfn umsækjenda verða gerð opinber
Eyjan
Fyrir 2 dögum

Millilandaflug frá Akureyri og Egilsstöðum ekki á teikniborðinu hjá Icelandair

Millilandaflug frá Akureyri og Egilsstöðum ekki á teikniborðinu hjá Icelandair
Eyjan
Fyrir 3 dögum

Segir að sjálfstæðismenn myndu aldrei láta sér detta þetta í hug – „Þjóðin myndi ekki trúa þeim“

Segir að sjálfstæðismenn myndu aldrei láta sér detta þetta í hug – „Þjóðin myndi ekki trúa þeim“
Eyjan
Fyrir 3 dögum

Inga óttast kæruleysi stjórnvalda – „Hvers vegna í ósköpunum lokum við ekki algerlega á flæði ferðamanna?“

Inga óttast kæruleysi stjórnvalda – „Hvers vegna í ósköpunum lokum við ekki algerlega á flæði ferðamanna?“