Þriðjudagur 19.nóvember 2019
Eyjan

Seðlabankastjóri boðaður á fund með Þjóðaröryggisráði – Skylt að mæta

Ritstjórn Eyjunnar
Þriðjudaginn 8. október 2019 19:00

Ásgeir Jónsson seðlabankastjóri

Ekki missa af Helstu tíðindum dagsins í pósthólfið þitt

Lesa nánar

Þjóðaröryggisráð hélt sinn áttunda fund þann 1. október síðastliðinn. Greint er frá því á vef Stjórnarráðsins að fjallað hefði verið um undirbúning stefnu Norðurlandaráðs um sameiginlegar áherslur á sviði samfélagslegs öryggis og stöðuna í öryggis- og varnarsamstarfi við önnur ríki, ekki síst á vettvangi Norðurlanda.

Þá er einnig greint frá því að fjallað hafi verið um helstu áskoranir hvað varðar skipulagða glæpastarfsemi og fjármála- og efnahagslegt öryggi í tengslum við framkvæmd smágreiðslumiðlunar og að sérstakir gestir á fundinum hafi verið þeir Ásgeir Jónsson, seðlabankastjóri, og Guðmundur Kr. Tómasson, framkvæmdastjóri fjármálainnviða hjá Seðlabanka Íslands.

Skyldumæting

Þjóðaröryggisráð er samráðsvettvangur um þjóðaröryggismál og hefur eftirlit með að framkvæmd þjóðaröryggisstefnu fyrir Ísland sé í samræmi við samþykkt Alþingis. Þjóðaröryggisráði er ætlað að leggja mat á ástand og horfur í öryggis- og varnarmálum og beita sér fyrir opinni og lýðræðislegri umræðu um þjóðaröryggismál og eflingu fræðslu og upplýsingagjöf um þau mál, samkvæmt skilgreiningu á vef Stjórnarráðsins.

Þar er einnig greint frá því að opinberum starfsmönnum sem boðaðir séu á fund ráðsins, sé skylt að mæta:

„Sérstakar skyldur ráðuneyta, stofnana og opinberra hlutafélaga gagnvart þjóðaröryggisráði eru:

  • að skila skýrslum eða gögnum um atriði er varða þjóðaröryggi

  • að tilkynna  nýjar upplýsingar eða annað sem kann að varða þjóðaröryggisstefnuna eða öryggi ríkisins og almennings.

  • Embættismönnum og öðrum starfsmönnum ráðuneyta og opinberra stofnana og hlutafélaga sem og einstaklingum og fulltrúum lögaðila er skylt að mæta á fundi þjóðaröryggisráðs, sé þess óskað.“

Skipan Þjóðaröryggisráðs

Í þjóðaröryggisráði eiga fast sæti forsætisráðherra, sem er formaður ráðsins, utanríkisráðherra, dómsmálaráðherra og ráðuneytisstjórar viðkomandi ráðuneyta. Enn fremur eiga sæti í ráðinu tveir alþingismenn, annar úr þingflokki sem skipar meiri hluta á Alþingi en hinn úr þingflokki minni hluta. Þá sitja í ráðinu forstjóri Landhelgisgæslunnar, ríkislögreglustjóri og fulltrúi Slysavarnafélagsins Landsbjargar.

Núverandi skipan þjóðaröryggisráðs er þessi:

Katrín Jakobsdóttir, forsætisráðherra, formaður
Áslaug Arna Sigurbjörnsdóttir, dómsmálaráðherra
Guðlaugur Þ. Þórðarson, utanríkisráðherra
Ragnhildur Arnljótsdóttir, ráðuneytisstjóri forsætisráðuneytis
Haukur Guðmundsson, ráðuneytisstjóri dómsmálaráðuneytis
Sturla Sigurjónsson, ráðuneytisstjóri utanríkisráðuneytis.
Haraldur Johannessen, ríkislögreglustjóri
Georg Lárusson forstjóri Landhelgisgæslu Íslands
Smári Sigurðsson, fulltrúi Slysavarnafélagsins Landsbjargar
Oddný Harðardóttir, alþingismaður
Silja Dögg Gunnarsdóttir, alþingismaður.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Segir Björn Leví hafa rassskellt Ágúst Ólaf

Segir Björn Leví hafa rassskellt Ágúst Ólaf
Eyjan
Fyrir 3 dögum

Björgólfur, Íslandsstofa og Samherji

Björgólfur, Íslandsstofa og Samherji
Eyjan
Fyrir 3 dögum

Uppfært 16. nóv: Blaðamannafélagið stefnir Árvakri – Þetta eru verkfallsbrjótarnir

Uppfært 16. nóv: Blaðamannafélagið stefnir Árvakri – Þetta eru verkfallsbrjótarnir
Eyjan
Fyrir 3 dögum

Reykjavíkurborg segir Hagatorg ekki vera hringtorg – „Ekki endilega hringtorg þó að það liggi í hring“

Reykjavíkurborg segir Hagatorg ekki vera hringtorg – „Ekki endilega hringtorg þó að það liggi í hring“
Eyjan
Fyrir 4 dögum

Þorsteinn Már árið 2018: „Nokkuð ljóst að Már Guðmundsson er á leiðinni í fangelsi“

Þorsteinn Már árið 2018: „Nokkuð ljóst að Már Guðmundsson er á leiðinni í fangelsi“
Eyjan
Fyrir 4 dögum

Bæklingur Reykjavíkurborgar vekur spurningar – Sagður áróður í boði skattgreiðenda -„Hvað kostaði prentun og dreifing?“

Bæklingur Reykjavíkurborgar vekur spurningar – Sagður áróður í boði skattgreiðenda -„Hvað kostaði prentun og dreifing?“