fbpx
Laugardagur 23.janúar 2021
Eyjan

Már segist „nauðbeygður“ til að svara Þórði – „Eitt­hvað villst af leið“

Ritstjórn Eyjunnar
Miðvikudaginn 23. október 2019 22:02

Már Guðmundsson, fyrrverandi seðlabankastjóri. Mynd: Eyþór Árnason

Ekki missa af Helstu tíðindum dagsins í pósthólfið þitt

Lesa nánar

Már Guðmundsson, fyrrverandi seðlabankastjóri frá 2009 -2019, sér sig knúinn til að leggja orð í belg varðandi umræðuna um málefni seðlabankans, þó svo hann segist ekki hafa ætlað sér að gera slíkt svo skömmu eftir að hann lét af embætti.

Hann segist nauðbeygður til að gera undantekningu, þar sem umræðan um peningaþvætti sé á villigötum og að Þórður Snær Júlíusson, ritstjóri Kjarnans, sem hann segir einn albesta blaðamann landsins, fari ekki rétt með:

„Í þessu máli hefur hann þó eitt­hvað villst af leið.“

Þórður sagði í Silfrinu um helgina að fjárfestingaleið seðlabankans 2011 -2015 hafi verið skýrt dæmi um opinbera peningaþvættisleið, í umræðum um stöðu Íslands á gráum lista FATF, vegna óviðunandi varna hér á landi gegn peningaþvætti og fjármögnun hryðjuverka.

Þórður á villigötum

Í hnotskurn segir Már að þetta sé rangt hjá Þórði, Seðlabankinn hafi opnað leið fyrir fé úr skattaskjólum strax árið 2009. Þá telur hann að viðskiptabankarnir hafi borið ábyrgð á því að kanna hvort fé væri að koma úr skattaskjólum, því það hefði ellegar þýtt kostnað fyrir Seðlabankann. Auk þess ættu viðskiptabankarnir að þekkja sína viðskiptavini. Þá telur Már að sú staða Íslands að vera á gráum lista FATF v sé ekki til kominn út af fjárfestingaleiðinni.

Innstreymið opið áður

„Í Kjarn­anum 21. októ­ber sl. heldur hann (Þórður) því fram að fjár­fest­ing­ar­leiðin hafi opnað leið inn fyrir höftin fyrir þá sem áttu fjár­muni utan þeirra. Þetta er ekki rétt,“ segir Már.

„Sú leið var opnuð í októ­ber 2009 þegar fjár­magns­höft á inn­flæði erlends gjald­eyris vegna nýfjár­fest­ingar hér á landi voru afnum­in. Það var gert sakir þess að greiðslu­jafn­að­ar­vandi Íslands var þá og í mörg ár á eftir útflæð­is­vandi en ekki inn­flæð­is­vandi. Þau sem komu inn með erlendan gjald­eyri eftir þetta þurftu að skipta honum í íslenskar krónur hjá fjár­mála­fyr­ir­tæki hér á landi og til­kynna um við­skiptin til Seðla­bank­ans í gegnum fjár­mála­fyr­ir­tæk­ið. Eftir það höfðu þau hvenær sem er heim­ild til útgöngu með þá fjár­muni og alla ávöxtun þeirra. Sam­kvæmt lögum áttu bank­arnir að kanna slíkar færslur eins og aðrar með til­liti til pen­inga­þvættis og Fjár­mála­eft­ir­litið að hafa eft­ir­lit með því að svo væri gert.“

Már segir fjár­fest­ing­ar­leiðina hluta af gjald­eyr­is­út­boðum sem Seðla­bank­inn efndi til á árunum 2011-2015 sem mið­uðu að því lækka stöðu aflandskróna og greiða þannig fyrir losun fjár­magns­hafta.

„Það tókst vel því sam­tals lækk­aði staða aflandskróna vegna útboð­anna um 175 ma.kr. eða úr um fjórð­ungi lands­fram­leiðslu í u.þ.b. 13%. Í fram­hald­inu var hægt að ráð­ast í að losa fjár­magns­höftin að lang­mestu leyti á árunum 2015-2017. Seðla­bank­inn gaf út ítar­lega skýrslu um þessi útboð í ágúst sl. og vís­ast til hennar um nán­ari lýs­ingu en hér haldið áfram með pen­inga­þvætt­is­þátt­inn.“

Grein Más má lesa hér.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 3 dögum

Jón Baldvin segir ásakendur um kynferðisofbeldi heltekna af hatri og hefndarhug – Ásakanirnar rýri trúverðugleika alvöru kynferðisofbeldis

Jón Baldvin segir ásakendur um kynferðisofbeldi heltekna af hatri og hefndarhug – Ásakanirnar rýri trúverðugleika alvöru kynferðisofbeldis
Eyjan
Fyrir 4 dögum

Sigmundur segir það sem hann óttaðist vera staðfest – „Er Ísland búið að gera slíkar skuldbindingar?“

Sigmundur segir það sem hann óttaðist vera staðfest – „Er Ísland búið að gera slíkar skuldbindingar?“
Eyjan
Fyrir 5 dögum

Sóttvarnaaðgerðir á hæpnum lagagrunni – Reimar telur sig ekki vera að fara á samkomu þegar hann fer til rakara

Sóttvarnaaðgerðir á hæpnum lagagrunni – Reimar telur sig ekki vera að fara á samkomu þegar hann fer til rakara
Eyjan
Fyrir 5 dögum

Samgöngumál Íslands í höndum dýralækna

Samgöngumál Íslands í höndum dýralækna
Eyjan
Fyrir 1 viku

Hörður segir Samfylkinguna blekkja og rugla varðandi sölu Íslandsbanka

Hörður segir Samfylkinguna blekkja og rugla varðandi sölu Íslandsbanka
Eyjan
Fyrir 1 viku

Ármann fer fögrum orðum um umdeildar áætlanir Kópavogs – Íbúar mótmæla áformunum

Ármann fer fögrum orðum um umdeildar áætlanir Kópavogs – Íbúar mótmæla áformunum
Eyjan
Fyrir 1 viku

Gunnar Bragi vill fá að sjá bóluefnasamningana – „Það voru mistök að treysta Evrópusambandinu“

Gunnar Bragi vill fá að sjá bóluefnasamningana – „Það voru mistök að treysta Evrópusambandinu“
Eyjan
Fyrir 1 viku

Þórarinn í Spaðanum vill kaupa Domino‘s

Þórarinn í Spaðanum vill kaupa Domino‘s