fbpx
Sunnudagur 12.júlí 2020
Eyjan

Seðlabankastjóri bjartsýnn á vaxtalækkanir

Ritstjórn Eyjunnar
Þriðjudaginn 30. apríl 2019 09:00

Már Guðmundsson fyrrverandi seðlabankastjóri.

Ekki missa af Helstu tíðindum dagsins í pósthólfið þitt

Lesa nánar

Már Guðmundsson, fráfarandi seðlabankastjóri, virðist bjartsýnn á vaxtalækkanir Seðlabankans samkvæmt grein hans í Morgunblaðinu í dag. Ekki verður tilkynnt um vaxtaákvörðun Seðlabankans fyrr en 22. maí, en ljóst er á orðum Más, að bankinn muni að öllum líkindum verða við kröfu lífskjarasamninganna, um vaxtalækkanir:

„Áföll og minni spenna í þjóðarbú­skapn­um skapa að öðru óbreyttu til­efni til lægri raun­vaxta Seðlabank­ans og lækk­un verðbólgu­vænt­inga í fram­haldi af kjara­samn­ing­um auka svig­rúm til að sú lækk­un eigi sér stað með lækk­un nafn­vaxta. Aðilar kjara­samn­ing­anna hafa vænt­ing­ar um að þeir skapi for­send­ur fyr­ir lækk­un vaxta. Eins og ég sagði í viðtöl­um fyrr í þess­um mánuði eru tölu­verðar lík­ur á að þess­ar vænt­ing­ar muni ganga eft­ir á næst­unni.“

Már segir lítinn vafa um að verðbólguvæntingar til lengri tíma hafi lækkað og séu komnar mun nær markmiði bankans:

„Þannig var tíu ára verðbólgu­álag um 3,8% í byrj­un mars en það lækkaði í um 3% dag­ana á eft­ir að kjara­samn­ing­ar náðust og hafa í stór­um drátt­um hald­ist þar síðan. Það hef­ur hjálpað til í þessu sam­bandi að gengi krón­unn­ar hef­ur ekki gefið eft­ir í fram­haldi af los­un af­l­andskróna og falli Wow í mars. Þar eiga inn­grip Seðlabank­ans lít­inn hlut að máli. Meira máli skipt­ir að af­l­andskrón­ur hafa farið hægt út og lækk­un sér­stakr­ar bindiskyldu á fjár­magnsinn­streymi í núll hef­ur unnið á móti. Þá hækkaði gengið í fram­haldi af kjara­samn­ing­um og er nú svipað og þegar af­l­andskrón­ur voru losaðar.“

Már sendir verkalýðsforkólfum þó eilitla pillu í lokin, varðandi þá forsendu lífskjarasamninga að vextir lækki, en Már vill greinilega eiga síðasta orðið hvað það varðar:

„Ákvæði í kjara­samn­ing­um um að þeir geti losnað ef vext­ir eru yfir ákveðnum mörk­um haustið 2020 eiga ekki og munu ekki breyta því þótt þau geti eitt­hvað flækt fram­kvæmd pen­inga­stefn­unn­ar í framtíðinni. Það bíður betri tíma að ræða það frek­ar.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

Eyjan
Fyrir 4 dögum

Hluthafar stefna Hval – Segir þetta þýða að félagið yrði leyst upp

Hluthafar stefna Hval – Segir þetta þýða að félagið yrði leyst upp
Eyjan
Fyrir 5 dögum

Steinunn Ólína um Katrínu – „Stórhættulegur forsætisráðherra“

Steinunn Ólína um Katrínu – „Stórhættulegur forsætisráðherra“
Eyjan
Fyrir 6 dögum

Sigmundur segir að markmiðið sé að neyða fólk í strætó

Sigmundur segir að markmiðið sé að neyða fólk í strætó
Eyjan
Fyrir 6 dögum

Lögreglumenn þurftu að fara í sóttkví eftir atvik í vinnunni – Fá ekki greitt

Lögreglumenn þurftu að fara í sóttkví eftir atvik í vinnunni – Fá ekki greitt
Eyjan
Fyrir 1 viku

Formenn stjórnmálaflokkanna funda um tímasetningu næstu þingkosninga

Formenn stjórnmálaflokkanna funda um tímasetningu næstu þingkosninga
Eyjan
Fyrir 1 viku

Dökkar efnahagshorfur en fyrirhyggja síðustu ára kemur sér vel

Dökkar efnahagshorfur en fyrirhyggja síðustu ára kemur sér vel
Eyjan
Fyrir 1 viku

Segir að ríkisstjórnin hafi sýnt styrk sinn

Segir að ríkisstjórnin hafi sýnt styrk sinn
Eyjan
Fyrir 1 viku

Björn Leví segir Kolbeini að „fokka sér“

Björn Leví segir Kolbeini að „fokka sér“