Árni Vilhjálmsson er enn á ný orðaður við endurkomu til Breiðabliks. Fjallað var um málið í Dr. Football í dag.

Breiðablik hefur verið í leit að framherja og hefur samkvæmt heimildum 433.is fundað með Árna á síðustu dögum.

Árni er samningsbundinn Al-Sahel í Sádí Arabíu og reynir að rifta samningi sínum þar.

„Hann er búin að vera á landinu í tæpar tvær vikur, hann verður að rifta við liðið úti,“ sagði Hrafnkell Freyr Ágústsosn í Dr. Football.

Árni er 31 árs gamall en hann lék síðast með Blikum sumarið 2021.

Félagaskiptaglugginn lokar á morgun. „Ég heyrði að ef Árni klikkar þá eru Blikar með cover í hollenskum framherja sem getur leyst nokkrar stöður,“ sagði Hrafnkell.