Umhverfis- og skipulagssvið Reykjavíkurborgar hélt kynningarfund á dögunum vegna fyrsta áfanga skipulags í Gufunesi. Fundurinn var haldinn í Hlöðunni við Gufunesbæ. Stuðla á að fjölbreyttari byggð og starfsemi og styðja við og styrkja Grafarvog sem hverfisheild. Á svæðinu er einkum gert ráð fyrir starfsemi á sviði afþreyingar- og kvikmyndaiðnaðar og þjónustu tengdri slíkri starfsemi. Einnig er gert ráð fyrir íbúðabyggð og verslun og þjónustu.
Gert er ráð fyrir, í framhaldi af fundinum, að vinna tillöguna og kynningargögn áfram. Gera má ráð fyrir að fljótlega á næsta ári verði tillaga formlega lögð fram til umfjöllunar í umhverfis- og skipulagsráði sem tekur þá ákvörðun um hvort og þá hvenær eigi að auglýsa tillögu að breyttri landnotkun í aðalskipulagi Reykjavíkur 2010-2030 og nýtt deiliskipulag fyrir byggð í Gufunesi.
Sjá má drög af skipulaginu hér að neðan.
Kynning: Gufunes – drög að breyting á aðalskipulagi Reykjavíkur
