Borgarfulltrúar Sjálfstæðisflokks og Framsóknar og flugvallarvina lögðu fram tillögu á borgarstjórnarfundi í gær um að hafin yrði uppbygging í Geldinganesi. Var tillagan felld með 9 atkvæðum meirihlutaflokkanna í borgarstjórn, Samfylkingar, Bjartrar framtíðar, Pírata og Vinstri grænna gegn sex atkvæðum Sjálfstæðisflokks og Framsóknar og flugvallarvina sem greiddu atkvæði með tillögunni.

Marta Guðjónsdóttir borgarfulltrúi Sjálfstæðisflokks lagði fram tillöguna, segir hún tillöguna lagði fram vegna neyðarástands á húsnæðismálum sem rekja megi til langvarandi lóðaskorts í borginni.

Einblínt er á að nær öll uppbygging fari fram á dýrum þéttingarreitum sem eru að mestu í eigu fjársterkra aðila, sjóða og banka en ekki í eigu Reykjavíkurborgar,

segir Marta. Í tillögunni var lagt til að við skipu­lagn­ingu íbúðabyggðar á Geld­inga­nesi verði tekið mið af fyrri skipu­lags­hug­mynd­um. Er þar átt við niður­stöðu skipu­lags­sam­keppni sem Reykja­vík­ur­borg efndi til en úr­slit henn­ar voru til­kynnt í apríl árið 1990. Marta segir að þar sem Reykja­vík­ur­borg eigi land í Geld­ing­ar­nesi og hafi borgin því öll tök á því að geta út­hlutað lóðum þar á viðráðan­legu verði:

Mikilvæg forsenda þess að lækka húsnæðiskostnað sé að auka framboð á lóðum í eigu borgarinnar. Úthlutun lóða í Geldinganesi myndi stórauka framboð á byggingarlóðum í Reykjavík á hagstæðu verði og þannig hafa afgerandi, jákvæð áhrif á íbúðar og leigumarkaðinn.