Stjarnan hefur birt mynd með öðru sjónarhorni af markinu sem Örvar Eggertsson skoraði í gær, þar er óljóst hvort boltinn sé inni.
Stjarnan skoraði draugamark í 2-1 sigri liðsins á FH í gær þar sem dómari leiksins Vilhjálmur Alvar Þórarinsson var í sviðsljósinu. Markalaust var í hálfleik en FH-ingar vildu fá vítaspyrnu Tómas Orri Róbertsson féll í teignum.
Vilhjálmur Alvar dæmdi ekkert og voru FH-ingar verulega ósáttir. Það var svo á 64 mínútu sem Stjarnan skoraði draugamark, Örvar Eggertsson skallaði þá boltann að marki en Mathias Rosenörn komst fyrir boltann.
Vilhjálmur Alvar ætlaði ekki að dæma mark en Gylfi Már Sigurðsson, aðstoðardómari flaggaði markið. Í sjónvarpi var ómögulegt að segja hvort boltinn væri inni.
Örvar Eggerts kom Stjörnunni yfir í nágrannaslagnum! 👀
Stjarnan – FH | #bestadeildin pic.twitter.com/GHdR00xeU2
— Besta deildin (@bestadeildin) April 8, 2025
Það var svo fjórum mínútum síðar sem Andri Rúnar Bjarnason skoraði fyrir Stjörnuna og kom liðinu í 2-0. Dagur Trautason lagaði stöðuna fyrir FH undir lok leiks en þar við sat.
Fyrstu umferð Bestu deildarinnar er þar með lokið og heldur ballið áfram um næstu helgi
