Stefán Pálsson, sagnfræðingur og knattspyrnuáhugamaður með meiru, var gestur Helga Fannars Sigurðssonar í nýjasta þætti af Íþróttavikunni á 433.is.

Stefán skilur ekki neikvæðni Valsara í garð karlaliðsins þrátt fyrir fínt tímabil í sumar. Liðið hafnaði í öðru sæti í deild og bikar.

„Ég fylgist svolítið með Val, ég bý í Hlíðunum og sonur minn er mikill Valsari. Mér finnst vanta svolítið gleðina hjá vinum mínum Völsurum. Það er rosalega stutt í pirring og gremju,“ sagði hann.

„Þeir mæta þegar þeir taka á móti KR og syngja jafnvel í stúkunni. En svo tekur pirringurinn og naggið við alla hina leikina. Þeir enda í öðru sæti, fara í bikarúrslit og eru í Evrópu en hrína eins og stungnir grísir allan tímann.“

Þátturinn í heild er í spilaranum.