Dómaranefnd KSÍ gefur út áhersluatriði fyrir hvert keppnistímabil. Áhersluatriðin eru kynnt á sérstökum fundum sem haldnir með fulltrúum félaga fyrir hvert keppnistímabil. Á fundina eru boðaðir fulltrúar leikmanna og þjálfara frá hverju félagi og langflest félög senda sína fulltrúa á þessa fundi.

Fundirnir í ár voru haldnir 28. og 30. janúar. Áhersluatriði þessi gilda fyrir knattspyrnumót KSÍ árið 2025 og taka gildi við upphaf Lengjubikars.

Mótmæli gagnvart dómurum
• Hefur uppi mótmæli með orðum eða látæði t.d. sveiflar höndum.
• Ögrandi hegðun í garð dómara.
Dómurum ber að áminna fyrir slíka hegðun

Hópögranir eða hópast um dómarann
• Við hópögranir ber að lágmarki að sýna einum leikmanni úr hvoru liði gula spjaldið.
• Gerist leikmenn sekir um að hópast í kringum dómarann með mótmæli eða til þess að reyna að hafa áhrif á ákvörðun hans (t.d. með því að heimta gult eða rautt spjald á mótherja) ber dómaranum að áminna a.m.k. einn þeirra sem þannig haga sér (oftast þann sem hefur sig mest í frammi). Því til viðbótar ber að áminna hvern þann leikmann sem leggur á sig langa leið til þess að koma mótmælum sínum á framfæri.

Óíþróttamannsleg hegðun
T.d. leiktafir
• Sparka/kasta bolta burt eftir að leikur hefur verið stöðvaður
• Taka bolta og fara með hann
• Fara fyrir og eða hindra töku aukaspyrnu
Dómurum ber að áminna fyrir slíka hegðun

Boðvangur
Taka ber á allri ósæmilegri/óábyrgri hegðun þeirra sem eru á tæknisvæðinu. Sama hvort að um sé að ræða varamenn eða aðila úr starfsteymi liðanna. Einungis einum aðila er heimilt að standa fram í boðvangi í einu og þá einungis til að koma á framfæri leikrænum
leiðbeiningum til sinna leikmanna.

Fyrirliði – Dómari samvinna. Ef markvörður liðs er fyrirliði skal liðið tilnefna leikmann fyrir leik sem á að vera í samskiptum við dómara. Tilkynna verður dómara fyrir leik hver þessi leikmaður er.
• Aðeins fyrirliða er heimilt að nálgast og vera í samskiptum við dómara. Skal hann koma
fram af kurteisi og háttvísi.
• Fyrirliði ber ábyrgð á því að aðrir leikmenn liðsins virði þessa reglu og sýni dómarateyminu virðingu. Leikmenn séu ekki að hópast í kringum dómarann.
• Leikmaður annar en fyrirliðinn sem ekki fer eftir þessari reglu og nálgast dómara með mótmælum eða sýnir af sér óíþróttamannslega hegðun skal áminntur.

Nú á dögunum var svo samþykkt af stjórn KSÍ ný lagabreyting í knattspyrnulögunum þar sem markverði er ekki heimilt að halda á knettinum lengur en í 8 sekúndur.