Það eru einhverjir sem muna eftir nafninu Elif Karaarslan en hún komst í fréttirnar í vikunni.

Elif er dómari í Tyrklandi en hún er 24 ára gömul og var dæmd í lífstíðarbann af tyrknenska knattspyrnusambandinu fyrir óviðeigandi hegðun.

Elif er sögð hafa stundað kynlíf með yfirdómaranum Orhan Erdemir en hann er 61 árs gamall og var einnig refsað.

Hún hefur nú harðneitað að hún hafi verið í þessu umtalaða myndbandi og segir að um gervigreind hafi verið að ræða.

,,Það er langt í land fyrir mig til að sanna mitt sakleysi en ég mun komast í gegnum þetta,“ sagði Elif.

,,Ég hlakka til að finna fyrir ykkar stuðning og ást í þessu ferli. Að gráta, öskra og að vera leið er ekki eitthvað sem ég geri, það er ekki ég.“

,,Ég mun standa með minni hlið alla leið, ég er bara ein af þeim sem er verið að særa og ég vona að ég verði sú síðasta.“

Elif segir að myndbandið sé falsað og að hún hafi aldrei stundað kynlíf með Orhan – hún segir að búið sé að eiga við klippuna og að gervigreindin sé að blekkja fólk.

Orhan hefur sjálfur viðurkennt að hann hafi verið annar aðilinn í myndbandinu en hvort Elif sé að segja sannleikann er óljóst að svo stöddu.