Tyrknenski miðillinn Haber Turk greinir frá því að Wilfried Zaha sé strax byrjaður að efast um ákvörðun sína í sumarglugganum.
Zaha er 31 árs gamall og var lánaður til Lyon í sumar en hann skoraði níu mörk í 30 leikjum fyrir Galatasaray í fyrra.
Samkvæmt þessum fréttum eru Zaha og hans fjölskylda í miklum vandræðum með að aðlagast lífinu í Lyon.
Zaha bjó í glæsibýli í Tyrklandi ásamt fjölskyldu sinni en býr nú í mun minni íbúð í Lyon sem hefur haft mjög neikvæð áhrif.
Zaha er fyrrum leikmaður Crystal Palace og Manchester United en hann spilaði aðeins með Galatasaray í eitt ár.
Vonandi fyrir Zaha og hans fjölskyldu finna þau lausn á þessum vandræðum en þau eru vön góðu lúxus lífi, eitthvað sem er ekki í boði fyrir þau í Lyon þessa stundina.
