Vilhjálmur Bretaprins hefur látið lítið fara fyrir sér síðan að eiginkona hans, Katrín prinsessa steig fram og greindi frá því að hún hafi greinst með krabbamein. Prinsinn hefur nú rofið þögnina á samfélagsmiðlum og birti færslu í gær.

Þar deildi hann stuðning við bresku fótboltakonuna Rachel Daly sem hefur ákveðið að leggja skóna á hilluna. Prinsinn þakkar Rachel fyrir marga ógleymanlega leiki með uppáhalds liði prinsins, Aston Villa, og segir fótboltakonuna hafa skilað liði sínu fjölmörgum mörkum í safnið.

Líkt og gjarnan á til að gerast hefur fótboltaáhuginn smitast frá föður til sonar, en sonur Vilhjálms Georg prins, er líka aðdáandi Aston Villa.

Katrín prinsessa greindi frá því þann 22. mars að er hún gekkst undir aðgerð snemma á árinu hafi fundist þar krabbamein. Læknar gerðu sitt besta til að skera meinið burt en til að tryggja að engar krabbameinsfrumur hafi setið eftir þarf prinsessan að gangast undir fyrirbyggjandi lyfjameðferð. Að sögn heimildarmanna úr höllinni átti Katrín erfitt samtal við börn sín áður en hún greindi opinberlega frá veikindunum. Þar sem börnin eru á ólíkum aldrei gætti Katrín að því að greina aðeins eldri börnunum frá alvarleika málsins á meðan sá yngsti, Louis fékk að heyra að mamma væri veik en að allt yrði í lagi.

New York Post greinir frá

Thank you for so many unforgettable performances with @Lionesses, @RachelDaly3. Plenty more goals for Villa now! W https://t.co/JXmadhxW7L

— The Prince and Princess of Wales (@KensingtonRoyal) April 10, 2024