Þjónustu- og ráðgjafafyrirtækið Maven hefur ráðið til sín þær þær Anítu Björk Bárðardóttur og Bryndísi Charlotte Sturludóttur sem báðar koma inn í teymi gagnasérfræðinga Maven.

Aníta Björk útskrifaðist nýlega með meistaragráðu í viðskiptagreiningu frá Tækniháskólanum í Danmörku. Hún hefur reynslu úr fjárhagsgreiningu frá Íslandsbanka þar sem hún starfaði áður.

Bryndís Charlotte er með BS gráðu í tölvunarfræði frá Háskólanum í Reykjavík og kemur til Maven með starfsreynslu frá NetApp Iceland, þar sem hún vann að verkefni sem tengdist gagnatengingum á milli svæða.

„Maven býður upp á framsæknar lausnir í vaxandi geira þjónustu- og ráðgjafafyrirtækja í upplýsingatækni og nýtingu gagna. Við vinnum náið með fyrirtækjum og stofnunum í að umbreyta gögnum í þekkingu og verðmæti. Við leggjum áherslu á að þróa skapandi og nýstárlegar leiðir til að greina, skilja og nýta gögn til hins ítrasta og það verður mikill styrkur af Anítu og Bryndísi í þeim verkefnum sem fram undan eru á þessu sviði.“ segir Helgi Hrafn Halldórsson, framkvæmdastjóri og stofnandi Maven.

Í tilkynningu frá Maven segir að fyrirtækið sé framsækið þekkingarfyrirtæki í upplýsingatækni. Það hóf rekstur sinn árið 2021. Í dag eru starfstöðvar félagsins tvær, í Reykjavík og Akureyri, auk þess sem það er með starfsfólk í Varsjá. Félagið leggur áherslu á að gera stjórnendum og starfsfólki fyrirtækja kleift að öðlast þekkingu og innsýn á þau gögn sem þau búa yfir. Kjarnaþjónustan felst í því að bjóða fyrirtækjum í ýmsum atvinnugeirum upp á aðkomu gagnasérfræðinga Maven sem skapa þekkingu úr margvíslegum gögnum, m.a. með greiningu og stefnumótun, uppbyggingu gagna- og tækniumhverfa, sjálfvirknivæðingu á verkferlum, samþættingu gagna á milli kerfa og gerð mælaborða fyrir stjórnendur. Stjórnendur fyrirtækja fá þannig betri innsýn inn í reksturinn sem leiðir til betri ákvörðunartöku og aukins virðis. Nánari upplýsingar á www.maven.is