Valkvíðinn er væntanlega mikill þegar velja á heyrnartól fyrir heimavinnuna því framleiðendur eru margir og vörurnar enn fleiri. Hins vegar er það svo að mörg heyrnartól henta alls ekkert í heimavinnu.
Tæknimiðillin Techradar valdi fyrir nokkru bestu heyrnartólin fyrir heimavinnu 2024. Meðal þeirra heyrnartóla sem hlutu náð fyrir augum sérfræðinga Techradar voru Poly Voyager 5200, Jabra Evolve 75 og græjur frá Bang & Olufsen.
Bestu heyrnartólin í þessum flokki eiga það sammerkt að búa yfir góðri hljóðvörn, eru létt í notkun svo að notandinn verður ekki þreyttur á að hafa þau á höfðinu yfir daginn. Þá skiptir auðvitað máli að símtöl og vídeosímtöl séu hnökralaus og að rafhlaðan dugi sem lengst.
Sérfræðingar hjá Techradar.com kynntu sér urmul heyrnartóla og prófuðu í þaula og niðurstaðan var sú að Poly Voyager 5200 var valið bestu alhliða heyrnartólin fyrir heimavinnu. Það sem sérfræðingar Techradar eru ánægðastir með hjá Poly Voyager 5200 fyrir heimavinnuna er hönnun, léttleiki (aðeins 20 gr.), hægt að nota á hægra eða vinstra eyra, Heyrnartólin eru svitaþolin, eru með fjóra hátalara sem fínstilla samtöl og lágmarka utanaðkomandi hávaða.
Þá voru Poly Voyager 4320 einnig valin fyrir rafhlöðuendingu. Segir að heyrnartólin séu þekkt fyrir öfluga rafhlöðu fyrir tal og hlustun; eða allt að 24 klst af óslitnum taltíma. Þessi langa ending getur nýst notanda í 2-3 daga. Þá er græjan með 47 klst hlustunartíma sem gerir notanda mögulegt að streyma tónlist eins og enginn sé morgundagurinn.
Þá vöktu Jabra Evolve2 75 heyrnartólin athygli Techradar ekki síst fyrir þær sakir að græjan býr yfir 8 hljóðnemum sem tryggir framúrskarandi hljóðgæði. Hljóðnemarnir eru hannaðir með það í huga að gera greinarmun á meginhljóði og bakgrunnshljóði. Þá duga þau í allt að 24 klst án hleðslu.
Techradar er einnig afar hrifið af Bang & Olufsen Beocom Portal og Bang & Olufsen Cisco 980, ekki síst fyrir hversu þægileg í notkun þau eru og öflugt app fyrir notendur.
