Kop Outs sem er LGBT stuðningsmannahópur Liverpool segist hafa verulegar áhyggjur af því að Jordan Henderson ætli sér til Sádí Arabíu.

LGBT stendur fyrir fólk sem er samkynhneigt, tvíkynhneigt eða trans.

Stærsta stjarna í sögu Liverpool, sjálfur Steven Gerrard hefur sannfært Henderson um að ganga í raðir Al-Ettifaq. Var hann gagnrýndur af Kop Outs.

Henderson fær 700 þúsund pund á viku sem er sirka fjórum sinnum hærra en hann þénaði hjá Liverpool.

Henderson hefur fengið lof fyrir að ræða um málefni LGBTQ+ fólks og standa með þeim í þeirra baráttu fyrir mannréttindum.

Kop Outs hefur hins vegar áhyggjur af því að hann ætli nú til Sádí Arabíu þar sem þau mannréttindi sem LGBTQ+ fólk berst fyrir eru ekki virt.

„Við höfum verið þakklát fyrir stuðninginn frá Henderson. Við höfum áhyggjur af því að einhver íhugi að vinna fyrir fólk í íþróttahvítþætti. Þar sem konur og LGBTQ+ fólk er kúgað og jafnvel fær dauðadóm,“ segir í yfirlýsingu Kop Outs.