Það er ljóst að lið Espanyol er fallið niður í spænsku B-deildina eftir þá níu leiki sem fóru fram í kvöld á Spáni.

Espanyol gerði jafntefli við Valencia á útivelli og á ekki möguleika á að halda sér uppi fyrir lokaumferðina.

Espanyol er með 36 stig í 19. sæti og er fjórum stigum frá öruggu sæti og fer niður ásamt Elche sem vann óvænt 1-0 útisigur á Athletic Bilbao.

Real Sociedad er þá á leið í Meistaradeildina í fyrsta sinn í dágóðan tíma þrátt fyrir tap gegn Atletico Madrid.

Villarreal tapaði sínum leik gegn Rayo Vallecano 2-1 og getur ekki náð Sociedad fyrir síðustu umferðina.

Villarreal er þó með Evrópudeildarsæti tryggt og er á leið þangað ásamt Real Betis sem vann Girona 2-1.

Það er enn spenna þegar kemur að Sambandsdeildinni en Osaduna, Bilbao, Girona, Rayo Vallecano, Sevilla og Mallorca eiga öll möguleika fyrir síðasta leikinn.