Besta deild karla fer af stað þann 10. apríl en þetta er í annað sinn sem deildin er með þessu fyrirkomulagi. Spilaðir verða 22 leikir og að þeim umferðum loknum er deildinni skipt upp í tvo hluta, eru þá spilaðir fimm leikir. 433.is mun á næstu dögum spá í spilin.

5 – FH

Lykilmaður – Björn Daníel Sverrisson
Þjálfari – Heimir Guðjónsson
Heimavöllur – Kaplakriki
Íslandsmeistarar – 8 sinnum

Mikill meðbyr er með FH eftir að Heimir Guðjónsson tók við stjórnartaumum síðasta haust. Eitt er öruggt að festa fylgir Heimi sem kann fræðin betur en flestir. Sindri Kristinn Ólafsson mun standa vaktina í markinu og munar um minna, líklega vantar FH-ingum einn miðvörð til að vera með sterkt ellefu manna byrjunarlið.

Það gustaði um Fimleikafélagið á síðustu leiktíð þegar þrír þjálfarar stýrðu liðinu, liðið þarf stöðugleika utan vallar svo árangur fari að nást innan vallar.

FH er með sterkari hóp en á síðustu leiktíð en liðið þarf að byrja vel svo gamlir draugar frá síðasta ári fari ekki að vakna. Því skal haldið til haga að FH var næstum því fallið úr deildinni á síðasta ári.

Spáin:
6 sæti – Stjarnan
7 sæti – KA
8 sæti – ÍBV
9 sæti – Keflavík
10 sæti – HK
11 sæti – Fram
12 sæti – Fylkir

Komnir
Dani Hatakka
Eetu Mömmö (lán)
Gyrðir Hrafn Guðbrandsson
Kjartan Henry Finnbogason
Kjartan Kári Halldórsson (lán)
Sindri Kristinn Ólafsson

Farnir
Atli Gunnar Guðmundsson
Baldur Logi Guðlaugsson
Guðmundur Kristjánsson
Gunnar Nielsen
Kristinn Freyr Sigurðsson
Matthías Vilhjálmsso