Leikkonan Donna Cruz og knattspyrnumaðurinn Gunnar Örvar Stefánsson eru nýtt par og mættu saman á árshátíð Klettabæjar um helgina.
Donna skaust fyrst fram á sjónarsviðið á Íslandi sem þátttakandi í Ungfrú Ísland og síðar sem einn af meðlimum Áttunnar. Hún hefur getið sér gott orð sem leikkona og fór meðal annars með aðalhlutverk í myndinni Agnes Joy sem hlaut mikið lof gagnrýnenda.
Undanfarið hefur Donna einbeitt sér að öðru. Hún er annar stofnandi Ezze, sem er samfélagsmiðill fyrir notaðar vörur, og er í tölvunarfræði við Háskóla Íslands.
Gunnar Örvar skrifaði undir tveggja ára samning við knattspyrnudeild Hauka í nóvember 2021.
Fókus óskar parinu innilega til hamingju með ástina.
View this post on Instagram
