Umrædd rannsókn er á vegum Northwestern Medicine og fjallar um húðrútínur á TikTok og hversu skaðlegar þær geti verið ungum stúlkum. Leiddi rannsóknin það í ljós að stelpur á táningsaldri, nota að meðaltali sex húðvörur daglega, oft dýrar og ertandi.
Maríanna ræddi um málið í Bítinu á Bylgjunni í morgun.
„Það er kannski er ekkert eðlilegt við það að rífa sig upp klukkan fimm, hálf sex á morgnanna til þess að fara að farða sig inn í daginn,“ segir hún og bætir við að þetta sé raunverulegur vandi.
„Og þær eru bara stór hópur af ungum konum í dag sem þurfa að stija undir því í dag að það eru áhrifavaldar þarna úti sem eru að búa til sérstakar húðrútínur og ekki bara það heldur núna eru þetta líka farðanir og þú þarft að eiga þetta og hitt.“
Allt að 8 til 10 ára gamlar stúlkur eru að vakna fyrr til að „gera sig til“ fyrir skóla.
„Þá finnst mér þurfa að skoða hvar vandinn er. Eru foreldrar raunverulega að leyfa þetta, eru foreldrarnir í alvörunni að taka undir það að dóttir þeirra vakni klukkan fimm, hálf sex til að fara í gegnum þetta allt,“ segir hún.
„Svo er þetta líka þannig, það eru kannski jól, það er aðfangdadagur og þú ert bara að fara að borða með fjölskyldu þinni og þú þarft í alvörunni að taka 3-4 klukkutíma í prepp fyrir útlitið þitt, til þess að sitja við matarborðið með mömmu og pabba. Ég hef líka heyrt [dæmi um] svona.“
Maríanna nefnir dæmi. „Ég var niðri á stofu um daginn og þá segir ung stúlka: Mamma, við verðum að drífa okkur, ég þarf að hafa mig til.“
Maríanna segir að mamman hafi sagt við stelpuna að þær gætu verið rólegar, það væru fimm tímar til stefnu en þá hafi stúlkan sagt: „Já, en það mig tekur fjóra tíma að hafa mig til.“ Svona eru krakkarnir farnir að stýra ferðinni.“
Snyrtifræðingurinn ræddi þetta nánar í þættinum og má hlusta á heildarinnslagið hér eða hér að neðan.
