Karlmaður hlaut í byrjun febrúar, í Héraðsdómi Reykjavíkur, þrjátíu daga fangelsisdóm, skilorðsbundinn til tveggja ára, fyrir þjófnað í skartgripaverslun Guðbrands J. Jezorski í miðbænum. Í frétt Mbl.is í byrjun desember 2020 var fjallað um innbrotahrinu í verslunina, en þrjár tilraunir höfðu verið gerðar til ráns þar árið 2020. „Þetta var sami maðurinn sem kastaði gangstéttarhellu í rúðuna og tæmdi svo útstillinguna. Hann notaði sama grjótið í báðum tilvikum og það sást til hans. Það eru öryggismyndavélar á byggingum nærri versluninni og þar náðist hann á mynd,“ sagði Kristín Guðbrandsdóttir Jezorski, dóttir gullsmiðsins Guðbrands J. Jezorski,
Karlmaðurinn var ákærður fyrir tvo innbrot og hlaut dóm fyrir það seinna með því að hafa, laugardaginn 5. desember 2020, brotið tvær rúður í skartgripaversluninni og stolið úr versluninni níu armböndum, átta hálsmenum, þremur eyrnalokkum, pari af ermahnöppum og tuttugu og fjórum hringum, að áætluðu söluverðmæti að lágmarki 862.000 kr.
Fyrir það fyrra „að hafa, aðfaranótt laugardagsins 21. nóvember 2020, brotið rúðu í versluninni og stolið þaðan gullarmspöng, tveimur gullhringjum, perlufesti og tveimur úrum, að áætluðu söluverðmæti 560.000 krónur var hann hins vegar sýknaður.
Maðurinn var handtekinn tveimur vikum eftir það brot og fundust munir á honum sem teknir voru í innbrotinu. Hins vegar var hann sýknaður þar sem ekki þótti sannað að hann hefði verið á vettvangi þegar brotið var framið. Neitaði hann jafnframt sök við rannsókn málsins.
Maðurinn mætti ekki fyrir dóm, en hann hafði tvisvar sinnum áður verið dæmdur til refsingar, árið 2021. Brot það sem hann var núna sakfelldur fyrir var framið fyrir uppkvaðningu dómana árið 2021 var ákærða því dæmdur hegningarauki.
