Ekki er loku fyrir það skotið að hollenski fram­herjinn Wout Weg­horst muni til fram­búðar verða leik­maður Manchester United en hann er þar nú á láni. Sky Sports greinir frá því í dag að mikil á­nægja ríki með frammi­stöðu Weg­horst hingað til.

,,Mér er sagt að for­ráða­menn Manchester United séu himin­lifandi með það hvernig Wout Weg­horst hefur að­lagast hjá fé­laginu,“ skrifar Ka­veh Sol­hekol, blaða­maður Sky Sports.

,,Margir voru hissa þegar Manchester United nældi í hann en Erik ten Hag fannst vanta leik­mann eins og hann hjá fé­laginu.“

Weg­horst er á láni hjá Manchester United út tíma­bilið en svo gæti varið að dvöl hans í Manchester­borg dragist á langinn.

,,Það sem ég skynja frá leik­manninum sjálfum er að hann vill vera hjá fé­laginu eins lengi og hann mögu­lega getur, hann er í það minnsta að gera allt rétt hingað til.

For­ráða­menn Manchester United erum mjög á­nægðir með það sem hann er að gera, bæði innan og utan vallar, og mér er sagt að hann sé at­vinnu­maður fram í fingur­góma.

Jafn­vel þó fé­lagið Manchester United muni leita að hrein­ræktaðri níu í sumar gæti alveg vel farið svo að haldið verði í Weg­horst þrátt fyrir það.“