Í tíu ára hafa steingervingafræðingar verið við uppgröft í suðurhluta Argentínu. Verkefnið beindist að því að grafa upp áður óþekkta tegund risaeðlu sem hefur nú fengið nafnið Jakapil kaniukura. Þessi tegund var uppi í Suður-Ameríku á Krítartímanum.

Dýr af þessari tegund voru um einn og hálfur metri á lengd og á milli fjögur og sjö kíló. Þetta kemur fram í Scientic Reports þar sem skýrt er frá niðurstöðum rannsóknarinnar.

Talið er að tegundin hafi verið uppi fyrir um 100 milljónum ára, á Krítartímanum.

Dýrin voru með einhverskonar brynvörn um hálsinn og niður eftir bakinu, að halanum. Þetta er fyrsta risaeðlan, með brynvörn, sem hefur fundist í Suður-Ameríku. Talið er líklegt að hún hafi getað gengið upprétt á afturfótunum.

Vísindamenn telja að tegundin sé af ætt risaeðla með brynvörn, meðal annarra tegunda sem tilheyra þeirri ætt er Stegosaurus.

Það tók tíu ár að grafa dýrið upp við stíflu í Patagóníu.