Sjónvarps- og fjölmiðlakonan Ása Ninna Pétursdóttur setti íbúð sína í Vesturbænum á sölu um helgina. Ása Ninna er þekkt fyrir gott auga sitt á stíl og tísku og íbúðin, sem er við Framnesveg, ber þess svo sannarlega merki. Um er að ræða 5 herbergja íbúð sem er alls 116,3 fermetrar og hefur sjónvarpskonan jafnt og þétt gert hana upp á undanförnum árum. Ásett verð er 68,9 milljónir króna.
Ása Ninna hefur skrifað fréttir og pistla á Lífinu á Vísi undanfarin ár en hún sló rækilega í gegn með stefnumótaþáttunum Fyrsta blikið á þessu ári. Stöð 2 ákvað því að fara af stað með aðra þáttaröð og auglýst var eftir þátttakendum í hana á dögunum.
Hér má sjá nokkrar myndir úr íbúðinni við Framnesveg:
