Hjónin Kristján Þór Magnússon og Guðrún Dís Emilsdóttir hafa haldið hvort í sína áttina samkvæmt frétt á Smartlandi mbl.is.

Kristján Þór er sveitarstjóri Norðurþings en er í veikindaleyfi fram að áramótum. Guðrún Dís er þekkt undir nafninu Gunna Dís og var afar vinsæl útvarpskona á Rás 2 áður en hjónin fluttu til Húsavíkur er Kristján tók við stöðu sveitarstjóra.

Nokkur styrr hefur staðið um störf Kristjáns undanfarið, meðal annars vegna þeirra ákvörðunar hans að útnefna sænsku söngkonuna Molly Sanden, sem söng Húsavíkurlagið í hinni vinsælu Eurovision-mynd, heiðursborgara Húsavíkur. Sumir sveitarstjórnarfulltrúar í Norðurþingi telja ekki rétt hafa verið staðið að útnefningunni og að söngkonan sé í raun ekki heiðursborgari Húsavíkur. Sjá nánar á vef Fréttablaðsins.

Smartland hermir að Gunna Dís hyggist flytja aftur til Reykjavíkur og hasla sér völl í fjölmiðlum á ný.