Þetta kemur fram í fréttatilkynningu sem Trump Media & Technology Group (TMTG) sendi frá sér í nótt.
Ekki er mikið vitað um hvernig þessi nýi samfélagsmiðill mun líta út og þannig verður það líklega þangað til í næsta mánuði þegar boð verða send út til ákveðins hóp um að prófa miðilinn.
Í fréttatilkynningunni er haft eftir Trump að miðillinn verði streymisveita þar sem notendur geta fengið aðgang að efni sem er „ekki woke“. Það má þýða orðið „woke“ sem vakandi en það er oft notað í tengslum við aukna athygli á félagslegu misrétti sem og kynþáttamisrétti.
Trump segir að samfélagsmiðillinn hans muni taka upp harða baráttu við það sem hann kallar „yfirgangs tæknifyrirtæki“.
„Við lifum í heimi þar sem Talibanar eru til staðar á Twitter en samt sem áður hefur uppáhalds bandaríski forsetinn ykkar verið útilokaður frá miðlinum. Það er óásættanlegt,“ er haft eftir Trump í fréttatilkynningunni.
